Календарь событий

Газетни 142-чи номеринде билдиргенибизча, КъМР-ни халкъ жазыучусу Тёппеланы Алим жыйгъан сейирлик затла бла шагъырей этебиз.

Элинде сыйы жюрюген адамгъа сукъланады ким да. Узакъдан танып берилген сыйны даражасындан эсе, къоншунг берген сыйны ёлчеми уллуду. Аллай юйюрле кёпдюле арабызда. Бюгюн хапарын айтырыкъ Мусукаланы Камалны юйюрюдю. Аланы юслеринден газетге бир жаз деп мен Хасания элли Бегийланы Харун тилегенди. 

Къабарты-Малкъарда "Къоркъуусуз эм тынгылы автомобиль жолла" миллет проектни чеклеринде туризм объектлеге баргъан жолла тап эм къоркъуусуз болур ючюн аслам иш этиледи. Бу жаны бла Къабарты-Малкъарда магъаналы да,  уллу да  объектледен бирине Экинчи Чегем - Булунгу жолну санаргъа боллукъду. Аны 27 километринде тынгылы ремонт ишле бардырылгъанлы иги кесек болады. 

Багъалы редакция!

Бюгюн манга къаламны къолума алдыргъан «Заман» газетге сюймеклигимди. Ана тилде чыкъгъан газетибизде кечелерин, кюнлерин аямай кюрешген адамларыбызны жюрегимден алгъышлайма. Быйыл сюйген газетиме 100 жыл болду. Аны ишчилерине да аллай бирер жыл толсун!

Булунгуда жашайма.  «Заман» газетни алмай бир жыл да къалмайма. Окъуучуланы бек сейирлик затла бла шагъырей этесиз, сау болугъуз, багъалы адамларым!

Озгъан шабат кюн Нальчикде Малкъар халкъны политика репрессияланы кезиулеринде ёлгенлеге аталгъан мемориалында «Биз тау жырны эки къанатыбыз, Къайсын бла Алим…» деген аты бла республикалы адабият чыгъармачылыкъ конкурсну биринчи уруму  баргъанды. Быйыл  ол уллу поэтибиз Къулийланы Къайсынны жан шуёху Алим Кешоковну 110-жыллыгъына аталгъанды. 

Жылдан жылгъа къарачай-малкъар жыр, назму хазнабызгъа уллу къошумчулукъ этиледи. Жазыучула ариу назмула къурайдыла, композиторла макъам саладыла, жырчыла  уа  аланы  халкъгъа баям этедиле.

Хурметли окъуучуларыбыз! «Заман» газетни бетлеринде «Таулу къыз» деген конкурсну башлайбыз. Ол сау 2025 жылны ичинде бардырыллыкъды. Редакциягъа келген къызларыбызны суратларын редколлегия сайлап, анга кёре басмалап турлукъбуз.