Календарь событий

КъМР-ни  аскер комиссары Дмитрий Пахомов «Заманны» журналистлерин ишлерине кертиликлери, асламлы информация органланы айнытыугъа салгъан  къыйынлары ючюн  ведомстволу грамотала бла саугъалагъанды. Анга аталгъан жыйылыу тюнене «Заман» газетде  бардырылгъанды. Журналистлени алгъышларгъа военкомну болушлукъчусу, «Аскер къарындашлыкъ» жамауат биригиуню  башчысы Гелястанланы Барисбий бла энчи аскер операцияны ветеранлары келгендиле. 

Нальчикде  сабий чыгъармачылыкъны «Эрудит»  арасында  Ананы кюнюне жораланып «Жукъла, балам, татлы жукъла» деген ат бла  эришиу болгъанды. Аны  Нальчик шахарны Тиширыуларыны совети  къурагъанды.  Ол  бу жол бла экинчи кере бардырылады эмда анга кёпден-кёп адам къошула барады. Бу жол анга республиканы шахарларындан,  эллеринден да жюзге жууукъ   сабий къатышханды. Аланы жыл санлары алтыдан башлап онжетиге дери эдиле. 

Бу кюнледе Черек районну Герпегеж элинде  жазыучу эмда журналист Османланы Лейлунну жашы Хыйса бла тюбешиу болгъанды. Ол аны 70-жыллыгъына аталгъанды. 

Ёз тиллени бла маданиятланы айнытыугъа, сакълаугъа да аталып, «Ана тилим – жаным-тиним, мени дуниям!» деген эришиу энди иги кесекден бери республика даражалы фестивальча бардырылады. Жыл сайын да эллерибизде, шахарларыбызда ишлеген устазларыбыз, сабийлени ата-бабаларыбыз  бизге осуят этген тилибизге, ариу, энчиликлери да болгъан адетлерибизге къалай юйретгенлерин ачыкълай, миллетни кесилиги сакъланып къалырына къаллай юлюш къошханларын, къалай къайгъыргъанларын да кёргюзтедиле.

Малкъар ауузунда  таш устала не заманда да болгъандыла. Деу къалаланы, жашау журтланы эмда хуналаны эрттеден бери да ишлеп келген халкъ эринчекликни дурус кёрмегенди, мёхеллик этмегенди, тамблагъы кюнюне таукел къарагъанды.  Бюгюнлюкде да  аллай жарыкъ кёллю, чемер къоллу адамларыбыз аз тюйюлдюле.  Аланы къол ызлары, хунерликлери  сейирге къалдырырчадыла.  Огъары Малкъардан Нёгерланы Гитчени жашы Байрамукъ ма аллайладанды. 

Огъары Малкъарда Искусствону сабий школу (алгъын – Сабий музыка школ) ишлегенли жарым ёмюрден артыкъ заман озгъанды. Ол 1973 жылда  орус устаз Алла Родичкинаны къатылыгъы бла ачылгъан эди. Ол кезиуде чыгъармачылыкъгъа жюреклери тартхан къызчыкъланы бла жашчыкъланы фортепианону бла къобузну согъаргъа юйретгендиле. Тюрлю-тюрлю жыллада мында Геннадий Филимонов, Татьяна Хамова, Лариса Никонова ишлегендиле. Атабийланы (Гутиева) Галина Александровна уа школгъа къыркъ жылдан аслам заманны башчылыкъ этгенди. 

Огъары Малкъарда жашагъан Нёгерланы Лейляны кёпле таныйдыла. Ол кесин саулай да элине сюйдюралгъанды. Билими, тирилиги,  адеп-къылыгъы бла да аны бла шагъырей болгъанланы жюреклерине тюшалгъанды.  

Огъары Малкъар тау эллерибизни арасында бек эрттегили эмда бек уллуладан бириди. Мында кёп тукъумну келечилери жашайдыла, бюгюнлюкде уа халкъыны саны беш мингден озгъанды, 900-ге жууукъ юй барды.