Календарь событий

Къабарты-Малкъарны Правительствосуну сайтында, алгъаракъда, башха жангылыкъланы санында бир сейирлиги чыкъгъанды, анда Прохладна районда бир предприниматель бахчасында миндаль ёсдюргенини юсюнден айтыла эди.

 Узакълада къалгъан эселе да, Уллу Ата журт урушну къазауат жыллары, топ тауушланы къайгъылары, жарсыулары уа арталлыда унутулмагъандыла, кезиуден-кезиуге, эски жаралача, ачыла, адамланы жюреклерин жангыдан ачыта, жарсыта турадыла. Къазауатха къатышханланы туугъанларына, туудукъларына ол ёмюрлюк сау болмазлыкъ жара болуп къалгъанды.

Кеслерине медицина усталыкъны жюрек излемлери бла сайлап, жамауатдан ыразылыкъгъа, хурметге да тийишли бола ишлеген эгеч-къарындашларыбыз асламдыла. Ала къолларындан келгенни, билимлерин да аямай кюрешгенлерини хайырындан  а, дуния пандемия болумланы къужур кезиуюне тюшюп къалгъанда да, халкъ алагъа ышаннганды. Акъ халатны киерге, биреуню саулугъу, бирде уа жашауу ючюн окъуна жууаплылыкъны боюнуна алыргъа бош анстан сайлау этмегенлерин да ачыкълагъандыла врачларыбыз, медсестраларыбыз, бирси медицина ишчилерибиз.

Къызыл китап – ол инсанны адамлыгъын, табийгъатны аллында жууаплылыгъын сездирген документди. Хар миллет да анга къудурет берген байлыкъны сакъларгъа борчлуду. Къызыл китапда бусагъатда къуруй баргъан жаныуарла, битимле жыйышдырылыпдыла, анда айтылгъаннга кёре аланы сакълауну, кёбейтиуню амаллары изленедиле.

Малкъар халкъны не заманда да билимли адамлары болгъандыла, ала миллетни атларын иги бла айтдырыргъа кюрешгендиле. Бюгюн сёз аллай бир уланыбызны юсюнденди.

«Заман» миллетибизни жангыз газетиди. Ол халкъны къыраллыгъыны бир белгисиди, ниет хазнасын сакъларгъа да уллу къошумчулукъ этеди. Аны бетлеринде малкъар халкъны маданиятыны, тарыхыны, бюгюннгю жашаууну, айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха жерде табаллыкъ тюйюлсюз.

Бизни фахмулу жаш тёлюбюзню юсюнден терк-терк билдиргенлей турабыз. Бюгюн жигитибизни - Къадырланы Альбертни къызы Джанитаны -интернет сайтлада  видеороликлерин, белгили жырларыбызны макъамсыз айтханын а эшитмеген, сюймеген да хазна адам болмаз. Ол Черек районда Къашхатауну маданият юйюнде, реабилитация арада да ишлейди, сакъатлагъа ариу байрамла къурап,  кёллерин жарытханлай турады. Аны себепли Джанита бла этген ушагъыбыз  бла сизни да шагъырей этерге сюебиз.