Календарь событий

XX ёмюрню айтхылы поэтлеринден бири, бизни ёхтемлигибиз, КъМР-ни халкъ поэти, кёп саугъаланы да лауреаты   Къулийланы Къайсын Ата журтуна къыйынлыкъ келгенде, биринчиледен болуп,   урушха киргенди. Ол, десантник-парашютист, аскер   журналист болуп, Москва, Орёл, Ростов шахарлада, Украинада, Къырымда, Прибалтикада да уруш этгенди. Тамам ол заманлада назмуларыны юсю бла аты да уллу къыралыбызда белгили болгъанды.

Бурун заманлада жашагъан адамланы ызлары жер жюзюню башха-башха жерлеринде дайым табылгъанлай турадыла. Орус география обществону Жаш тёлю арасыны башчысы Мокъаланы Тенгиз айтханнга кёре, Къабарты-Малкъарны Басхан ауузунда краеведле къаялада табылгъан суратланы тинтгендиле. Аланы биринчи 2013 жылда Хапаланы Назир эслеген эди, ол суратланы жууукъ-тенглерине кёргюзте тургъанды. Тарыхчыла бла археологла уа аланы юслеринден кёп болмай билгендиле.

Тиширыу – анады, эгечди, юйню от жагъасын сакълаучусуду. Бу дуниягъа ол ахшылыкъ, жылыулукъ, ышаннгылылыкъ, жарыкълыкъ, чомартлыкъ келтирир ючюн жаратылгъанды. Аллай ариу ниетли бир ненча тиширыу бирикселе уа, не  къыйын, жууаплы ишни да тамамлаяллыкъдыла.

Хурметли жамауат!  

 «Заман» миллетибизни жангыз газетиди. Ол халкъны къыраллыгъыны бир белгисиди. Аны бетлеринде малкъар халкъны маданиятыны, тарыхыны, бюгюннгю жашаууну, айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха жерде табаллыкъ тюйюлсюз.

 Къабарты- Малкъарда окъуу мекямлада билим алгъан чекленнген онглары болгъан сабийлени  саны юч мингнге  жетгенди, аладан эки мингнге жууугъу  инвалидледиле. Сакъатлагъа билим алыу жаны бла  республикада тюрлю-тюрлю амалла бардыла: энчи классла, юйде билим алыу,  школ-интернатла, тёрели школла эм дистанциялы окъуу. Аланы юйретген специалистлени саны уа алты жюзден озгъанды.     Хар адам да сабийи  саулукълу, ариу, билимли болса сюеди. Саусуз эсе уа? Сёз ючюн, аутист? Жарсыугъа, бизни республикада кёп ата – анала саусуз сабийлерин юйден чыгъармай, окъутмай, айнытмай жашайдыла. Тыш къыраллада уа аланы дуниягъа къошадыла, онгларына кёре энчи программа къурап, айнытыргъа кюрешедиле. Аланы асламысы артда ишлеген этедиле. Россей инвалидлени социализация жаны бла алыкъа биринчи атламларын этеди.

1990 жылда «Болгария» деген журналда «Кубрат ханы хазнасы» деген статья басмаланнган эди. Аны автору Людмила Писарева эди. Статья жаланда Кубрат ханнга жууукъ болгъан болгарлылагъа угъай, битеу тюрк миллетлеге да магъаналыды.

Жыл сайын 8 ноябрьде Радиологияны эмда Рентгенологну халкъла аралы кюнлери белгиленеди. Бу байрамла экиси да бир адам къурагъан жангычылыкъ бла байламлыдыла. Сёз физик Вильгельм Рентгенни эмда ол ачхан «рентген лучланы» юсюнден барады.