Календарь событий

Белгили къабартылы поэт, прозаик, КъМР-ни культурасыны сыйлы къуллукъчусу Лиуан Губжоков туугъанлы сексен беш жыл толгъанды. Анга жоралап бу кюнледе А.Шогенцуков атлы Къабарты къырал драма театрда чыгъармачылыкъ ингир болгъанды.

КъМР-ни илмусуну сыйлы къуллукъчусу, филология илмуланы доктору, профессор, КъМКъУ-ну немис эм роман филологияла кафедрасыны башчысы Аликаланы Рашит быйыл кесини юбилейин белгилегенди. Ол жаш тёлюню юйретиуге бла окъутуугъа юлюшюн къошуп келгенли энди къыркъ жылдан атлагъанды, сагъынылгъан кафедрагъа уа белгили алимибиз, аз къалып, отуз жылны ичинде таматалыкъ этеди.

КъМР-ни Транспорт эмда жол мюлк министерствосундан билдиргенлерича, «Экинчи Чегем – Булунгу» жолну жангыртыугъа къошакъ халда ахча бёлюнюрюкдю.

Фольклорубузну эм эрттегили жанрларындан бири элберледиле. Ала жаз тил бла айтылып, тюрлю-тюрлю затланы белгилеп, соруу-жууап формада къураладыла, адамланы акъылларын, эслиликлерин жютю этерге себеп боладыла эм эсеп оюннга юйретедиле. Элберле асламысында табийгъатны болумлары, хайыуанла, жаныуарла, адыр-сауут эм кёп башха затлада жер табадыла, асламысында адам улуну урунуу тёрелери бла, урунууда хайырланнган адырлары, сауутлары бла байламлыдыла.

Миграция бла байламлы бузукълукълагъа къажау излей-тинтиу жумушланы толтургъан кезиуде РФ-ни ФСБ-сыны КъМР-де Управлениясыны къуллукъчулары КъМР-де МВД-ны миграцияны соруулары жаны бла бёлюмюню келечиси Б.Х. Кумыковну аманлыкъчы ишин тыйгъандыла.

 Быйыл къайсы усталыкълада уруннганланы айлыкъ хакълары иги болгъаныны юсюнден билдиргендиле ишчи кадрла жаны бла кюрешген HH.ru интернет-порталдан. Алай бла барындан да кёп – «дата-сайентистле», фрезеровщикле, аналитикле, машинистле, риелторла эмда прорабла аладыла. Аланы орта айлыкълары 100 минг сомдан атлайды. Тизмени эм башында уа DevOps-инженерледиле, 214 минг сомлары бла.

Бизни белгили тарыхчыбыз Мызыланы Исмайыл, эллерибизде кёп айланып, аланы жаратылгъанларын, табийгъатларын, жашау халларын тинтгенди. Бюгюн окъуучуларыбызны аны Бызынгыны юсюнден жазыу иши бла шагъырей этебиз.

Москвада аз алгъаракъда къолдан усталаны «Ладья. Къыш жомакъ - 2023» деген ат бла кёрмюч-ярмаркасы ётгенди. Ол бизни къыралыбызны миллетлерини культураларын байыкъландыргъан, аланы араларында шуёхлукъну  кючлендирген  белгили жумушду, дегендиле КъМР-де «Мени бизнесим» арада.