Календарь событий

Нальчикде наркоманланы жыйылыулу жерлери табылгъанды.

Нальчикни полициячылары Чегем районда жашагъан тиширыуну тутхандыла. 

2022 жылны 1-20 ноябрине дери школчулагъа жолда жюрюуню жорукъларыны юсюнден битеуроссей онлайн-олимпиада боллукъду, деп билдиреди КъМР-ни Къырал автоинспекциясы. Бу иш сабийле жолда ачымазгъа мадарла этиуню чегинде тамамланады.

Кёнделеннге бурулгъан жерге жете баргъанлай, юсюнде жамычысы бла эр кишини эсгертмесин узакъдан окъуна кёрюрге боллукъду. Халкъда анга  «Сагъышлы таулу» дейдиле. Кертиси бла да, эсгертмеге жууугъуракъ келип къарасанг, аны бетинде терен сагъышны, мудахлыкъны эслерге боллукъду. Аны адам ишлеп, алайгъа кеси орнатхан сунмазса. Ол алайгъа асыры тап келишгенден, табийгъатны кесинден чыкъгъаннга ушайды. Бу аламат затны къалай, не мурат бла ишленнгенини юсюнден аны архитектору Каркаланы Мухарбий айтханды.

Республиканы Спорт министерствосу билдиргенине кёре, бу кюнледе Владикавказда дзюдодан эки кере Совет Союзну Жигити Исса Плиевни хурметине жораланнган битеу россей эришиуле ётгендиле. Ол жыйырма юч жыллары толмагъан жаш спортчуланы аралырында бардырылгъанды. Ары Россейни онбеш субъектлеринден онбеш ауурлукъ категориялада 150-ден аслам спортчу кеслерин сынагъандыла.

КъМР-де МВД-ны хыйлачыланы ётюрюклерине алданмазгъа, сакъ болургъа чакъырады. 

РФ-ни МЧС-ини КъМР-де Баш управлениясындан билдиргенлерине кёре 1 ноябрьде Къабарты-Малкъарда халкъгъа билдириу этиу системаны ишин тинтиу боллукъду.

Озгъан ыйыкъда социальный сетьледе Нальчик шахарны 14-чю гимназиясыны 6-чы классыны къуучусу Мухамед Моков кесини ахчасына Украинада бардырылгъан энчи операциягъа къатышхан россейли аскерчилеге медицина керекле алып жибергенини юсюнден информация кенг жайылгъанды. Жашчыкъны итиниулюгю ючюн КъМР-ни Башчысы Казбек Коков ыспас къагъыт да жибергенди. Аны Мухамедге Къабарты-Малкъарны жаш тёлюню ишлери жаны бла министри Азамат Люев келип саугъалагъанды.

Бу кюнледе Нальчикде Аллергологланы бла  клиникалы иммунологланы ассоциациясыны 20-жыллыкъ юбилейине жораланнган илму- практика конференция ётгенди. Аны ишине медицинаны бу сферасында ишлеген жюзден артыкъ специалист къатышханды. Ала бери Москва, Санкт-Петербург, Дондагъы Ростов шахарладан, Ставрополь крайдан, Ингуш, Чечен эм Шимал Осетия-Алания республикаладан келгендиле.

Таулу анала!.. Сизге жетген ким болур?  Къыйын кезиуледе да юй тутдугъуз, сабий ёсдюрдюгюз, жашауну кёп тюрлю бёлюмлеринде урундугъуз, ненча кере халкъны сакъладыгъыз? Сый, даража да излемедигиз аны ючюн кесигизге. Аллахны махтауу болсун сизге!

2022 жылны 22 октябринде КъМР-де МВД-ны «Прохладна» бёлюмюне 20-жыллыкъ жаш келгенди. Ол боюнлугъун интернетде сатыугъа салгъанын, алыучу да табылгъанын айтханды. Болсада ол алыучу угъай, хыйлачы эди. Ол боюнлукъну сатып алама деп, жашны бир сайтха кийирип, банк картасыны номерлерин жаздыргъанды, алай бла 21350 сомун къымгъанды.

«Ёлюм къайда сатылгъанын айт» деген битеуроссей акцияны экинчи кесегинде  МВД-ны Черек районда акъылбалыкъ болмагъанланы  ишлери жаны бла бёлюмюню инспектору полицияны капитаны Марина Жерухова бла лейтенант Залина Эражибова Бызынгыны школунда болгъандыла. Ведомствону къуллукъчулары абадан классланы окъуучулары бла наркотиклени юсюнден ушакъ бардыргъандыла.

Урван районнга Запорожье областьдан кёчген тиширыугъа Россей Федерацияны паспортун бергендиле.

Медицина статистикагъа кёре, жыл сайын дунияда гриппден бла кесекледен ауругъанланы саны миллионла бла саналады. Бу аурууланы аякъ юсюнде кётюргенле аз тюйюлдюле, врачла уа алай этерге арталлыда жарамагъанын къайтарып айтадыла. Уллу кёллюлюк этиу бош кесеклени окъуна пневмониягъа, менингитге, къулакъ ауруулагъа дери жетдирирге боллукъду. Гриппден ауушханла да аз тюйюлдюле.

Бу кюнледе  «Регион, муниципал эм жер-жерли  магъаналы автомобиль жолланы игилендириу» федерал программаны чеклеринде «Майский – Октябрьский» жолну 5,09 километр чакълы бирин мардалагъа келиширча этгендиле.  Аны юсюнден бизге  КъМР-ни Транспорт эм жол мюлк министерствосундан билдиргендиле.

Къабарты-Малкъарны ара шахарында жамауат аслам хайырланнган жерледен тышында,  кёп фатарлы юйлени арбазларын тапландырыугъа да аслам эс бурулады. Быйыл да  «Иги шахар болум къурау» миллет проект бла  59 736 квадрат метрде бардырылгъан  ишлени хайырындан  элли арбаз   мардалагъа келиширча болгъандыла.  Аны кезиуюнде асфальт жайылгъанды, кир-кипчик атарча орунла,  олтурурча шинтикле да  салыннгандыла.

«Россети Шимал Кавказ» компания быйыл тогъуз айны ичинде Къабарты-Малкъарда агропромышленность комплексге кирген 50 объектни электрокюч сетьлеге къошханды.