Календарь событий

Грозныйде Россейни Югуну халкъларыны маданият эм спорт фестивальлары бардырылгъанды. Анга къыбыла регионладан сора да, Абхазиядан, Донецк эм Луганск халкъ республикаладан мингден аслам спортчу къатышхандыла.

Гара-Баши станцияда эм бийик сотовый связь вышка къатында МТС компанияны келечилери МЧС-ни Элбрус бийик-тау излеу-къутхарыу отрядына элли GPS-трекер саугъалагъандыла. Ала таугъа ёрлеучюлени къоркъуусузлукъларын жалчытыргъа болушурукъдула.

Кюз жетгени бла кесекле, тамакъ ауруула къозгъаладыла, бу аурууланы адамны къарыусуз этгенлеринден сора дагъыда бир осал жанлары ала терк жукъгъанларындады. Кесекле тийгенини неда бир башха аурууланы ышанларын эслегенлей, кёп адамла антибиотиклени мардасыз хайырланып башлайдыла, ол угъай, сабийлеге да врач бла кенгешмегенлей бередиле. Гитчелени аллай кючлю дарманла бла багъыу алада аллергияны къозгъаргъа боллукъду – быллай эсеплеге алимле келгендиле.

Къарачай-малкъар халкъны бир талай мингжыллыкъ тарыхыны ичинде, кеси къурашдыргъан бишлакъланы кёп тюрлюсю барды. Аланы атларын, жарашдырыу амалларын этнографларыбыз жыйгъан материалладан, адамланы айтханларындан, этгенлеринден сют промышленностьну технологу Мисирланы Хасан тинтип тохташдыргъанды.

Аналаны Къазийни юсюнден манга аны келини, белгили альпинист тиширыу, спортну устасы Холамханланы Сахайны къызы Тамара айтхан эди. Ол Беш да Тау элге аты айтылгъан уучу болгъанды.

Бюгюннгю кезиуде аппаларыбыз бизге юлгю болургъа керекдиле. Ала Ата журтха жау чапханда аны къорууларгъа сюелгендиле. Узакъ 1941 жылда Уллу Ата журт урушха  Таппасханланы тукъумдан 40-гъа жууукъ  эр киши кетгенди. Аладан уруш аулакълада 24 къалгъандыла.

Республиканы аграрчылары  быйыл сояны 7,3 минг гектарда сепгендиле. Тенглешдирип айтханда, ол былтырны кёрюмдюсюнден эки кереге кёпдю.

Къабарты-Малкъарда ётмек бишириучю предприятияланы быйыл ал эки кварталда къоранчларыны бир кесегин къайтарыргъа деп белгиленеди. Бу субсидияны бериуню жорукълары хазырдыла, документлени алыу а 26 сентябрьде башланырыкъды эмда жетинчи октябрьге дери барлыкъды, деп билдиргендиле КъМР-ни Эл мюлк министерствосундан.

Быйылгъы  жыл  Къабарты - Малкъарны тарыхында бек уллу тюрлениулени жылыча къаллыкъды. Республиканы жюзжыллыгъына аталып бардырылгъан ишлени араларында энчи жерни паркны айбатландырыу алады.  «100- жыллыкъны суу боюну»  деген проектге кёре  анда юч жыяу жол тапланнганды: «Бирликни жолу» - ол Осетинская орамдан башланып, Кешоковагъа жетеди, «Мамырлыкъны жолу»  Идаровадан орамдан Осетинскаягъа  барады, «Келишиулюкню жолу» уа Кешоковада башланып  Канукоевада бошалады.

Жемишлени жыйыу бошалып, ызы бла тереклени да чапыракълары тюшюп тебирегени бла  бахчада башха жумушланы кезиую башланады.

Къазанда грек-рим тутушуудан битеукъырал эришиу бардырылгъанды, ол РСФСР-ни сыйлы тренери Мягас Сахабутдиновну хурметине аталып къуралгъанды. Турнирге Россейни 60 регионундан 21 жыллары толмагъан 410-дан аслам гёжеф къатышхандыла.

Нальчикде Сабий стадионда 2011 жылда туугъан спортчуладан къуралгъан командаланы араларында футболдан  турнир бардырылгъанды, анга Пятигорскдан, Ессентукиден, Моздокдан, Ардондан бла Нальчикден сегиз команда къатышхандыла.

Бюгюнлюкде таулу тойланы бардырылыуларыны, жашларыбыз  бла къызларыбыз къалай юйленнгенлерини юсюнден кёп тюрлю оюмла жюрюйдюле. Эрттеден бери газет бла байламлыкъ жюрютген Улбашланы Саниятны айтханын басмалайбыз.