Календарь событий

28 апреля 2021

Сатылгъан ётмек татымлыды къоркъуусузду

Роспотребнадзорну Къабарты-Малкъарда  Управлениясындан  билдиргенлерине кёре, ведомство   предприятияла чыгъаргъан ётмекни  эм булкаланы  биширген предприятияланы продукциялары качестволу болурча контроль бардырады. 

Жюреклеге жол таба билген огъурлу Азиза

Аттоланы  Адрахманны  къызы Азиза алгъаракълада кесини  80- жыллыгъын белгилегенди. Бирле: «Сора аны не айтыр кереклиси барды»,-дерге да болурла. Мен а алай сунмайма. Уллайгъан тиширыуларыбызны юслеринден жазып, билдирип турургъа тийишлиди. 

Терекчиклени иги кесеги - жукъгъа жарамазлыкъла

Россельхознадзорну Къабарты-Малкъарда бёлюмюню Референт арасыны специалистлери республикагъа келтирилген битимлени, зыгытланы качествосуна дайым кёз-къулакъ боладыла. Ма бу жол  да кёп болмай Италиядан бла Сербиядан келген тёрт минг алма терекчиклени тинтгендиле. Ведомствода айтханларына кёре, лабораторияны специалистлери алада къадар кемчилик тапхандыла.

«Элни хунерли, саулукълу жаш тёлюсю мындан ары да спортда жетишимли болурларына ийнанама»

Мёчиланы Маликни жашы Магомет Хасания элни 16-чы номерли  орта школунда физкультурадан устаз болуп ишлейди. Кеси да устаз юйюрденди. Атасы Малик, жаннетли болсун, кёп жылланы  школгъа директорлукъ этип,  бет жарыкълы ишлеп тургъанды.  

«Жюрегинг жаратхан ишни къолгъа алсанг, аны женгил тамамлайса»

Ахметланы Баширни жашы Расулну, 2020 жылны бек иги студентинча,  Россей Федерацияны Правительствосуну стипендиясына кёргюзтгендиле.  Бюгюнлюкде Расул Къабарты-Малкъар къырал университетни медицина факультетини 4-чю курсуну студентиди. Курсну башчысыды, кёп ведомстволу саугъалагъа, вузну грамоталарына да тийишли болгъанды. Бюгюн ол бизни къонагъыбызды.

Уруш жолла бла - Венагъа дери

«За отвагу» деген майдал  не заманда тохташдырылгъаныны, аны бла кимле саугъаланнганларыны юсюнден материал хазырлай тургъан заманымда бизникиледен а аны бла кимле саугъаланнган болурла деп излегенме да, кёплени тапханма. Аланы араларында уа Махийланы Беппону жашы Георгий да бар эди. 

Бушуулу тизме

«Книги Памяти Украины»  изданияны илму башчысы Галина Павловна Зазимко  1996 жылда окъуна  Киев областьны къырал архивинде Белая Церковь шахарда 3-чю номерли госпитальда болгъан совет аскерчилени тизмесин тапханды. 

НАСЫПНЫ «КЁТЮРАЛМАГЪАНЛА»

Ала къалай тюбешгенлерин айтсанг, анга киши ийнанмаз. Университетни бошап, школгъа ишлерге биринчи келген кюнюнде классха киргенлей, аны кёзлеринден сора жукъ кёрмей къалгъан эди Сафар. Бюгюн да сейир этеди, школну директору аны, аз да сынауу болмагъан тюненеги студентни, кесинден кёпге кичи болмагъан жашланы бла къызланы окъутургъа ийгенине.

Сёзюню баш магъанасы – жамауатха эмда регион бюджетлеге себеплик этиу

Быйыл 21 апрельде Россей Федерацияны  Президенти Владимир Путин Федерал Жыйылыугъа Посланиясын туура этгенди. Бу стратегиялы магъаналы документде  къыралыбызны ич эм тыш политикасыны баш жоллары кескин  белгиленнгендиле, шарт борчла салыннгандыла, адамларыбызны жашау къолайлыкъларын кётюрюрге онг берлик магъаналы башламчылыкъла да этилгендиле.

«Ол къыйынлыкъны сынагъанлагъа болушургъа къолдан келгенине бек къууанама»

Быйыл Украинаны Чернобыль шахарында атом электростанция атылгъанлы 35 жыл толады. 1986 жылны жайы  адам улуну тарыхында ёмюрлеге къалгъанды. 

Муниципалитетни бюджетине ахшы къошумчулукъ эте

Кёп болмай Май районну администрациясыны башчысы Татьяна Саенко орунбасары эм экономика - финансла жаны бла управленияны таматасы Наталья Ожогина бла ишчи программаларыны чеклеринде   «Агрофирма «Александровская» биригиуде болгъандыла. 

Жашырын ичгичилик – жашаугъа къоркъуу

Россейни Саулукъ сакълау министерствосуну баш наркологу Евгений Брюн айтханнга кёре, къыралда ичгичилени саны 30 процентге жетеди.

Сабийлени бузукълукълары ючюн – ата-аналагъа тазир салыргъа

Жолда жюрюуню къоркъусузлугъуну жорукъларын бузгъан сабийлени ата-аналарын жууапха тартыргъа боллукъдула. Быллай экспериментни Москвада бардырыргъа мурат барды, деп билдиредиле «Российская газетада». Проблеманы сылтауу оналты жылгъа дери бузукълукъ этгенле осал ишлери ючюн аз да жууаплы болмагъанларындады. Акъылбалыкъ жыл саннга жетгинчи тазир салгъан угъай, аланы административ бузукълукълада окъуна терслерге къыйынды. Праваласыз мотоцикльге олтурургъа, авария этерге, адамланы ачытыргъа алагъа жарайды, алай законнга кёре келтирген заранлары ючюн сёз тутаргъа уа жарамайды.

Сюлесин тамгъалы бичакъланы устасы

Жаланда  Москвада окъуна Россейни халкъ устасы Бачиланы Хамзат ишлеген таулу бичакъланы саны жюзден атлайды. Андан тышында да аны къол ызы бла Америкада, Голландияда, Тюркде эм дагъыда башха къыраллада да кёпле шагъырейдиле. Къысхасын айтханда, нёгерине, тенгине ариу саугъа этерге сюйгенле таулу устаны бичакъларын сайлагъанлары арт заманда тёреге айланнганды.

Кесини усталыгъына жаш гёжефлени юйретеди

Мисирланы Мурадинни жашы Илияс эркин тутушуудан Россейни спортуну устасыды, бел бауладан тутуп тутушуудан да къыралыбызны сыйлы устасыды, спортда сынамы 30 жылгъа жетеди. Бюгюнлюкде ол «Хасания» спорт клубда эркин тутушуудан тренер болуп ишлейди. Бу клубха жюрюген жашчыкъла уа жетишимлери бла дайым къууандыргъанлай турадыла, ала республикада, андан тышында бардырылгъан даражалы эришиуледен майдал къытмай къайтмаучудула. Малкъар халкъны жангырыу кюнюню аллында Илияс бизни ушакъ нёгерибиз болгъанды.