Билим

Къабарты-Малкъарда бу кюнледе «Ломоносовский обоз. Сила в смысле» деген ат бла бардырылгъан федерал жарыкъландырыу проект кесини ишин бошагъанды. Лекторла  республиканы шахарларында, эллеринде, район араларында школлада, лицейледе, колледжледе болуп,  ачыкъ ушакъла бардыргъандыла.

Тырныауузны Сабий библиотекасы не заманда да сабий ауазладан толуду.   Жарыкъ, кенг, ариу мекямгъа сабийле сюйюп келгенлерине сейир этерча тюйюлдю: жангы  китапла, компьютерле, видеогъа къарарча энчи жер. Библиотекагъа таматалыкъны кёп жылланы Аппайланы Анжела Сагидовна этеди.  «Школдан сора сабийле  бери къайтмай къалмайдыла, чапханлай келедиле»,-дейди ол.

Темиржанланы Фарида  бюгюнлюкде КъМКъУ-ну медицина факультетини  «Мурдорлу медицина» ызыны аспирантыды. Андан сора да, Москвада Россейни илму-излем медицина университетини «Дерматология-венерология» ызыны ординатурасында да окъуй турады.

«Сириус» федерал тийреде юниорланы 22-чи Халкъла аралы керти илмулу олимпиадалары бардырыллыкъды. Ол кеси да 2025 жылны 23 ноябринде башлап 2 декабрине дери созуллукъду.

Бу кюнледе Нальчикни  Александровка  тийресиндеги биринчи номерли школ -интернатда сейирлик иш болгъанды. Анда  капитал ремонт этилгенден сора,  бир корпусну ачхандыла. Ол иш интернатда тургъан къызчыкълагъа бла жашчыкълагъа, устазлагъа, юйретиучюлеге да бек аламатды.

Тёбен Чегемни больницасында Наршауланы Хажимусса къыркъ жылгъа жууукъ заманны врач-невропатолог  болуп ишлегенди. Ол кезиуде районда аны танымагъан, анга хурмет этмеген хазна адам болмагъанды. 

Россейли окъуучула хауа болумланы тюрленнгенлери эмда экологиялы жарсыула бла байламлы халкъла аралы олимпиадада алтын майдалгъа тийишли болгъандыла. Школчуланы къаууму командалы эсепде биринчи жерге чыкъгъаны бла аланы РФ-ни  жарыкъландырыу министри Сергей Кравцов алгъышлагъанды.

Финанс окъуулулукъдан Битеуроссей зачёт (finzachet.ru) 7-28 октябрьде ётерикди. РФ-ни Ара Банкыны сайтында айтылгъаннга кёре, анга къатышханла кеслерини билимлерин терк сынап кёрюрге боллукъдула. Анда соруула жашауда тюбеген болумлагъа кёре жарашдырылгъандыла, хар кимге да ангылашынырча.

РФ-ни Жарыкъландырыу министерствосу «Физическая культура» дерсни программасында компьютер оюнланы хайырланыу жаны бла законопроектни къабыл кёрмегенди. Аллай проектлени жарашдырыу - тинтиу да бардырылмайды.

КъМР-ни Сабий эм жаш тёлю чыгъармачылыкъ арасыны «Къоркъуусузлукъну лабораториясы» деген бёлюмю школчулагъа жолда жюрюуню жорукъларындан билдириу ишин жетишимли бардырады.