Все статьи

Физкультурачыланы парадына къошулгъанды

Кёнделенде жашай эди Диналаны Исса уллу юйюрю бла. Алты жашы, бир къызы бар эдиле аны. Малы, мюлкю, иги къолайы. Алай  байлыгъынг башынга жау болады дегенлей, 1935 жылда аны кулакгъа чыгъарадыла. Малын, мюлкюн сыйырадыла, юйюрюнден-журтундан  къыстап, узакъ Узбекистаннга ашырадыла. Анда Ташкент областьда мамукъ ёсдюрген совхозгъа тюшедиле, къамишли, ургъуйлу, жашау этерге бек къыйын жер.

Миллет ашарыкъларыбызны кёргюзтгендиле

Озгъан ыйыкъда Минги тауну этегинде «Ашхананы Бийчеси бла Патчахы-2022» деген сабий конкурсну быйылгъы кезиую озгъанды. Анга къатышханладан тёрт къызчыкъ бла жашчыкъ финалгъа чыкъгъандыла. Бу жол ала Элбрус посёлканы Маданият юйюнде жыйылгъандыла. Эсигизге салайыкъ, быйыл бла бу эришиу бешинчи кере бардырылады. Анга жыл санлары онекиден атламагъан сабийле къатышыргъа боладыла.

Жолу жарыкъды, жетишимлери ёхтемленирчадыла

Россейни сыйлы тренери, Къабарты-Малкъарны физкультурасыны эм спортуну сыйлы къуллукъчусу Маккаланы Махти  50-жыллыкъ юбилейин белгилейди. Ол, кёп жетишимли гёжефлени хазырлай, Элбрус районда, республикада, саулай къыралда да ауур атлетиканы айнытыугъа уллу къыйын салгъанды.

Жюрекден келген алгъышла, гюлле, саугъала да

Бу кюнледе Нальчикни отуз ючюнчю номерли мектебини мурдорунда «Россейде Жылны устазы – 2022» деген Битеуроссей конкурсну шахар округда бардырылгъан урумуну бошалгъанын къууанчлы халда белгилегендиле. Аны хурметли къонакълары уа КъМР-ни жарыкъландырыу, илму эмда жаш тёлюню ишлери жаны бла министрини орунбасары Екатерина Мисостова, Битеуроссей халкъ фронтну регионда бёлюмюню келечиси Ислам Макоев, эришиуню жюриси, устазла, окъуучула, ата-анала да болгъандыла.

Биз биргебиз! Биз – Россейбиз!

Орта кюн Нальчикде Музыка театрда «Донбасс» атлы сыйлы къырал академия тепсеу эм жыр ансамбльни, «Кабардинка» академия тепсеу эм «Балкария» фольклор-этнография тепсеу ансамбльлени жандауурлукъ концертлери болгъанды. Ол Россейни эмда Къабарты-Малкъарны Культура министерстволарыны башламчылыкълары бла «Биз – Россейбиз» федерал программаны чеклеринде къуралгъанды.

Казбек Коков Нальчикни жолларында баргъан къурулушлагъа къарагъанды

Казбек Коков Нальчикде жол-къурулуш эм тапландырыу ишле къалай баргъанларына къарагъанды. Республиканы оноучусу кесини телеграмм-каналында Къабарты-Малкъаргъа 100-жыл болгъаны бла байламлы байрамгъа хазырланыу уллу ишлени юсюнден айтханды, деп билдиргендиле республиканы оноучусуну пресс-службасындан.

Казбек Коков Правительстволу комиссияны жыйылыууна къатышханды

Къабарты-Малкъарны Башчысы Казбек Коков Регионну айнытыу жаны бла правительстволу комиссияны президиумуну жыйылыууна къатышханды. Кенгешни РФ-ни Правительствосуну Председателини орунбасары Марат Хуснуллин бардыргъанды.

Жууукълукъну, тенгликни, шуёхлукъну юзмезге юйретген ай

Быйыл Рамазан ай апрельни ал кюнлеринде башланырыкъды. Болсада республиканы Муслийманларыны дин управлениясында раис-иймамлары кенгешип, аны энтта шарт тохташдырлыкъдыла. Бу сыйлы айда муслийманла кеслерин къалай жюрютюрге кереклисини, ораза кимге тийишли болгъаныны эмда аны тутханла къаллай сууаплыкъ аллыкъларыны юслеринден «Мамырлыкъ» жандауурлукъ фондну башчысы Ахматланы Назир хажи бла ушакъ этгенбиз.

Алчылыкъны ычхындырмайдыла

Элбрус районну Байзулланы Ю.К. атлы олимпиада резервли спорт школуну гимнастика бёлюмюне сабийле сюйюп келедиле, бюгюнлюкде ары жюрюгенлени саны 90-дан атлагъанды. Жашчыкъла бери къарыу алыр, единоборстволада неда спортну башха тюрлюлерине жараугъа барырдан алгъа чыныгъыр муратда жюрюйдюле, къызчыкъланы уа ата-аналары ала субай, назик болур ючюн келтиредиле.

Терекле салыу къыстау барады

  Къабарты-Малкъарда «Агъачланы сакълау» федерал эм «Экология» миллет проектлеге кёре   жууукъ заманда 114 гектарда тийишли ишле башланырыкъдыла. Аны чеклеринде  эмен, чинар, акъагъач, кюйрюч дегенча  бизни жерлеге тёрели тереклени орнатырыкъдыла.

Цифровизация – тамблагъа атлам

Кёнделен элни Доттуланы Ахматны  атын жюрютген биринчи номерли мектебинде, Элбрус районну башха школларындача, «Билим бериу» миллет проектни чегинде «Цифровая образовательная среда» федерал проект толтурулады.

Битеуроссей олимпиадагъа къатышырыкъдыла

Тамата класслада окъугъан 12 школчубуз Къабарты-Малкъарны Битеуроссей олимпиада да кёргюзтюрюкдюле. Ала регионда бардырылгъан эришиулени хорлагъандыла, аны бла бирге финалгъа тюшерча кереклиси тенгли бир балла алгъандыла. Битеу да республикалы даражада  53 школчу олимпиада да хорлагъандыла.

Эришиулени ахыр кезиую 18 мартда башланнганды, анга битеу къыралдан алты мингден аслам сабий къатышады, деп билдиргендиле республиканы оноучусуну пресс-службасындан.

Аскерде къуллукъ этиуню энчиликлерин кёргендиле

Росгвардияны КъМР-де Управлениясыны ОМОН-уну «Вершина» отрядыны къуллукъчулары Май районну Ново-Ивановское элинде Шура Козуб атлы школну Росгвардияны классыны окъуучулары бла кишиликни дерсин бардыргъандыла, деп билдиргендиле бизге ведомствону пресс-службасындан.

Отха сакъ болугъуз!

Къабарты-Малкъарда от тюшюу бла байламлы къоркъуулу кезиу быйыл биринчи апрельде башланнганды. Агъачлада ёртенлени, къаураны къабыннганыны сылтауу асламысында адамдан чыгъады, аланы  уллу кёллюлюклеринден  неда жууапсызлыкъларындан

Онюч жылында абадан разрядны толтургъанды

  Бабугентден Лейля Тюменланы Жансуратны бла Виктор Шевцовну юйюрлеринде 2006 жылда биринчи марда туугъанды.

Жукъудан къанмаудан чыкъгъан беш заран

Шахарчыланы тёртден бири  жукъудан къанмайдыла.  Ол жыгъылыуладан бла аварияладан  сора да, саулукъгъа уллу заран келтирирге болады.

Сабийлигибизни унутулмазлыкъ фильмлери

 Быллымда клубда ишлеп, бизге ахшы юлгю кёргюзтген бир талай адамны эсгерирге сюеме. Къыргъызстанда тургъан жерибизде клуб жокъ эди. Аны себепли къоншу эллеге барып тургъандыла.

Прохладныйде къуллукъ этген аскерчиле бла тюбешиу

КъМР-ни Башчысы Казбек Коков Прохладный шахарда орналгъан 31681 аскер бёлюмде къуллукъ этгенле бла тюбешгенди.

Республиканы оноучусу аскер бёлюмню таматасыны орунбасары бла бирге ёлген аскерчилени хурметлерине деп ишленнген эсгертмеге гюлле салгъанды.   

Жолоучулукъну кезиуюнде Казбек Коков солдатла тургъан эм аш-суу жюрюген жерлеге къарагъанды, аскерчиле ишчи кюнлерин къалай ётдюргенлери бла шагъырейленнгенди, деп билдиргендиле республиканы оноучусуну пресс-службасындан.

Айны тёгерегине учхан биринчи аппарат

 

1966 жылда 31 мартда Совет Союз биринчи болуп Айгъа спутник жибергенди. Бизни къырал аны таба ары дери да талай аппарат ашыргъан эди. Сёз ючюн, 1959 жылда январьда «Луна-1» аппаратны жибергенди. Ол жыл окъуна 13 сентябрьде уа ары «Луна-2» станция жетгенди.

Страницы