Спорт

Терек шахарны «Терек Олимп» спорт арасында, Россейни сыйлы тренери Къабарты-Малкъарны физкультурасыны бла спортуну сыйлы къуллукъчусу Нургали Битоковну хурметине аталып, республикалы эришиу къуралгъанды.

«Къызыл Гедуко» ат спорт арада, Сергей Аникеевни хурметине аталып, квалификация чариш болгъанды. Анга бизни республикадан, Къарачай-Черкесден, Адыгеядан, Дагъыстандан, Москвадан эм Москва областьдан, дагъыда талай жерден 72 спортчу атлары бла къатышхандыла.

 Каспийскде грек-рим тутушуудан СКФО-ну чемпионаты бардырылгъанды, анга округну битеу регионларындан 130-гъа жууукъ гёжеф къатышхандыла.

Орта кюн Нальчикде «Гладиатор» спорт комплексде къатыш единоборстволадан СССР-ни боксдан спорт устасы Зокаланы Артурну хурметине жораланып бардырылгъан II Битеуроссей турнир башланнганды. 

Майкопда он кюнню ичинде ауур атлетикадан Россейни биринчилиги бардырылгъанды. Анга къыралны 56 субъектинден бла Беларусьдан 550-ден аслам гёжеф къатышхандыла, ала  эки жыл санда сынашхандыла: 18 жылгъа дери эм 19-20 жыл. Эришгенлени араларында Элбрус районну Олимпиада резервли спорт школундан Гюлюйланы Тамерлан да болгъанды.

Элбрус райондан Геккиланы Таукъан ауур атлетикада жетишимлери бла белгилиди. Профессионал халда кюрешиу адамдан кюч-къарыу, чыныгъыу, уллу тёзюмлюлюк бла итиниулюк излейди. Таукъанны жашау жолу уа анга юлгюдю.

Дунияны универсал сермешден чемпионатында республикабызны келечилери юч алтын, юч кюмюш эмда эки доммакъ майдал къытхандыла.

Аскер искусстволаны Москвада арасында Совет Союзну Жигити генерал-майор Г.Н. Зайцевни аты бла каратени бир тюрлюсюнден «Хорларгъа эм къайтыргъа» деген чакъырыу бла эришиу къуралгъанды.

Симферопольда каратеден «Кубок ТЭС» деген аты бла битеуроссей эришиу бардырылгъанды, анга 11 къыралдан спортчула къатышхандыла.

Сергей Миронович Кировну хурметине аталып Киров шахарда грек-рим тутушуудан битеуроссей эришиу бардырылгъанды.