Спорт

Бу кюнледе Нижний Новгородда Россейни шёндюгюлю пятиборьяны двоеборье эм троеборье бёлюмлеринден биринчилиги бардырылады, анда къыралны жер-жерлеринден 400-ден аслам жаш спортчу эришедиле.

Ставропольда тхэквондону ИТФ тюрлюсюнден «Кубок къар къаплан» деген аты бла регионла аралы эришиу къуралгъанды, анга башха-башха регионладан 250-ден аслам спортчу къатышханды.  

Къабарты-Малкъарны Спорт министерствосундан билдиргенлерича, бюгюнлюкде республикада олимпиада резервли 14 спорт школ ишлейди. Алада 371 тренерни башчылыгъында 11 минг адам спортну 22 тюрлюсюне юйренеди.  Аланы баш борчлары спортну олимпиада тюрлюлеринден чемпионатлагъа бла эришиулеге къатышалырча фахмулу, уллу жетишимле болдураллыкъ атлетлени бла гёжефлени, регионну, къыралны да жыйымдыкъ командаларына кирлик спортчуланы хазырлауду. 

«Олимпийская деревня-80» спорт арада грек-рим тутушуудан эки кюнню ичинде Москваны биринчилиги бардырылгъанды, анга 21 жыллары толмагъан гёжефле къатышхандыла. Мында хорлагъанлагъа къыралны биринчилигинде эриширге эркинлик берилгени себепли, спортчула майдалла ючюн къарыуларын, усталыкъларын да аямагъандыла.

Былтыр «Спорт – жашауну низамыды» федерал проектни чегинде «Спорт элде» битеукъырал эришиу бардырылгъанды. Аны «Элдеги жаш тёлюню россейли союзу» биригиу къыралны Спорт министерствосуну себеплиги бла ётдюргенди.

Россейни сыйлы тренери, Къабарты-Малкъарны физкультурасыны эм спортуну сыйлы къуллукъчусу Маккаланы Махти, кёп айтхылыкъ гёжефлени юйретип, саулай къыралда да ауур атлетиканы айныууна уллу къыйын салгъанды. Бюгюнлюкде уа Азербайджанны ауур атлетикадан федерацияны директорларыны советини оноуу бла ол тыш къыралгъа эр киши жыйымдыкъ команданы хазырларгъа чакъырылгъанды.

Элжорукъаланы Олеся спортну сюйген абадан адамланы эслеринде биринчи штангачы къызча къалгъанды. Кеси заманында ол жангыз бизни республикада угъай, битеу Шимал Кавказда да спортну бу тюрлюсюнде уллу жетишимле бла къууандыргъан биринчи тиширыу болгъанды.  Аны тренер ишин энди башлагъан Маккаланы Махти эслегенди, къызны къарыуу, фахмусу болгъанын ангылап, аны юйретип тебирегенди.

Къыралыбыз айтхылыкъ спорт тёрелери бла белгилиди, фахмулу тренерлеге, умутландыргъан спортчулагъа байды. Совет Союзну кезиуюнден башлап кёп онжыллыкъланы гёжефлерибиз бла атлетлерибиз даражалы халкъла аралы эришиуледе, дунияны, Европаны чемпионатларында, Олимпиадалада атларын айтдыргъанлай келедиле. Алай арт жыллада жалгъан чурумла бла алагъа даулашлы чекле салынадыла, ол угъай, тёртжыллыкъны эм магъаналы эришиую – Олимпиадада Россейни байрагъын кётюртюрге, гимнин эшитдирирге эркин этилмейди.

Республикабызны спортчулары, округ,  къырал, халкъла аралы эришиулеге къатыша, атларын айтдырадыла, хорламлары бла республикабызгъа да махтау келтиредиле.

Чегемде эркин тутушуудан Къабарты-Малкъарны биринчилиги ётгенди. Анга 16 жыллары толмагъан жаш гёжефле къатышхандыла.