Спорт

Магъаналы сермешде – алчыланы санында

Бу кюнледе Санкт-Петербургда жаш спортчуланы араларында универсал сермешледен Россейни биринчилиги бардырылгъанды. Анга 37 региондан 500-ге жууукъ спортчу къатышхандыла.

Тиширыуланы араларында - эришиу

Нальчикде «Каисса» арада классика шахматладан тиширыуланы араларында эришиу бардырылгъанды. 

Нёгерлерини аты бла-даражалы турнир

МВД-ны Къабарты-Малкъарда управлениясыны  патруль-пост службасыны энчи батальону жыл сайын Тетов Алимбекни хурметине  баскетболдан бардырылгъан турнирге къатышады. 2010 жылны 9  майында полицияны лейтенанты Алимбек Муаедович «Кавказ» федерал трассаны  429-чу километринде орналгъан «Баксан» постда аскер борчун толтура тургъанлай аманлыкъчыланы къолларындан ёлгенди.  

Федерацияны кубогундан – аслам майдал

Одинцово шахарда каратени битеустил тюрлюсюнден Федерацияны кубогу бардырылгъанды. Анга къыралны 37 регионундан 1200 спортчу къатышханды. Аны къорууланыу амалланы хайырланыу бёлюмюнде республикабызны жыйымдыкъ командасы 14 майдал къытханды.

Умутландыргъан атламла

«Спорт наркотиклеге къажауду» деген чакъырыу бла каратени зендекай будо тюрлюсюнден Къабарты-Малкъарны биринчилиги бардырылгъанды. Анга республиканы шахарларындан бла эллеринден умутландыргъан спортчула къатышхандыла.

Умуту - кезиулю биринчиликде хорларгъа

Ленинград областьны Выборг шахарында 17 жыллары толмагъан гёжефлени араларында ауур атлетикадан Россейни биринчилиги бардырылгъанды. Анга 59 регионундан 500-ден аслам жаш бла къыз къатышхандыла.

Кърымны бла Россейни жыйымдыкъ командаларында – тырныауузчу каратечиле

Элбрус районну бла Кърымны араларында шуёхлукъ эм спорт байламлыкъла иги кесек заманны жюрютюледиле. Кърымдан спортчула Тырныауузда эришиулеге къатышадыла, районну олимпиада резервли спорт школуну каратеден бёлюмюнде жарау этгенле уа турнирледе эки республиканы да хурметлерине сермешедиле. 

Жыйымдыкъ командала къуралгъандыла

Прималкинское элде Къабарты-Малкъарны Спорт министерствосуну себеплиги бла кикбоксингден 14 жыллары толмагъан спортчуланы араларында республиканы чемпионаты бла биринчилиги бардырылгъандыла.

Хорлам – Терскъолну къауумунда

Тырныауузну шахта ишлеучю управлениясыны директору Мызыланы Мухтарны хурметине аталып, жыл сайын гитче-футболдан тёрели эришиу бардырылады. Быйыл ол тогъузунчу кере ётдюрюлгенди. Аны чегинде Тырныауузну В.А. Губанов атлы спорт-саулукъ кючлеу комплексинде къырал учрежденияладан, Элбрус районну эллеринден онеки команда ойнагъандыла.

Хайырлы жыл болгъанды

Элбрус районну Байзуллаланы Юсюпню атын жюрютген олимпиада резервли спорт школунда былтыр грек-рим тутушуудан бла спорт гимнастикадан бёлюмле ишлегендиле. Алада жараулагъа 370-ден аслам башха-башха жыл санда сабийле бла абадан спортчула жюрюйдюле. Секциялагъа энди келгенлени алгъа башланнган, ызы бла уа жарау этиу бёлюмлеге жибередиле. Усталыкъларын ёсдюрюп, сынам жыйгъанланы уа бийик спорт усталыкъ къауумлада сакълайдыла. Жылны ичинде юйретиуню онжети тренер бардыргъандыла.

Страницы

Подписка на RSS - Спорт