Спорт

Черкесск шахарда каратени киокусинкай тюрлюсюнден Къарачай-Черкесни биринчилиги къуралгъанды, анга 150 спортчу къатышхандыла.

Ата журтну къоруулай ёлген аскерчилени хурметлерине аталып, Москвада каратени зендокай будо тюрлюсюнден «Воин» деген эришиу бардырылгъанды. Анга Россейни регионларындан, Япониядан бла жууукъдагъы тыш къыралладан жыйымдыкъ командала къатышхандыла.

Ауур атлетикадан ЮФО-ну биринчилигине ДНР-дан, Кърымдан, Севастопольдан, Адыгеядан, Къалмыкъдан, Ростов областьдан, Краснодар крайдан эм башха республикаладан 17 жыллары толмагъан 120-дан аслам жаш бла къыз къатышхандыла.

Шимал Осетия-Аланияны Правительствосунда «Кредо-знание» деген экинчи Шимал-Кавказ олимпиадада хорлагъанланы саугъалагъандыла. Аланы алгъышлай,  республиканы башчысы Сергей Меняйло:  «Манга  сизге бу саугъаланы берген бютюнда хычыуунду, нек десегиз сиз алагъа тийишли болгъаныгъызны  итиниуюгюз,  хунерлигигиз бла да кёргюзтгенсиз»,-дегенди.

Дондагъы Ростовда эстетика гимнастикадан «ОСКАР» деген битеуроссей тёрели эришиу эм область даражалы сабий турнир бардырылгъандыла. Алагъа къыралны 22 регионундан 6-16-жыллыкъ спорнтчуладан  600-ге жууугъу  къатышхандыла.

Усталыкъны ёсдюрюуню «Спортда стратегия менеджмент эм проектлеге къарау: Россейни бла Къытайны  сынамлары» къошакъ программасыны чегинде Сочиде  Халкъла аралы олимпиада университетде ахыр аттестация бардырылгъанды.

Нальчикде 13-14-жыллыкъ жашланы араларында боксдан СКФО-ну биринчилиги бардырылгъанды. Анга бизни республикадан, Къарачай-Черкесден, Дагъыстандан, Ингушетиядан, Шимал Осетия-Аланиядан, Чеченден бла Ставрополь крайдан 170-ден аслам адам къатышхандыла.

Нальчикде терк шахматладан (рапид) республиканы онючюнчю чемпионаты бардырылгъанды, анга 54 эм кючлю шахматчыбыз къатышхандыла.

 «Спортмастер тёлю» деген  проектни чеклеринде бу кюнледе Зольск районда спорт-айнытыу майдан къууанчлы халда ачылгъанды. Сабийлеге эмда жаш адамлагъа деп, аллай майданла республиканы дагъыда беш  районунда   къуралгъандыла.

Нальчикде каратени WKF тюрлюсюнден 10-13-жыллыкъ спортчуланы араларында Россейни биринчилиги къуралгъанды.