Спорт

Краснодарда шёндюгюлю пятиборьядан СКФО-ну бла ЮФО-ну биринчиликлери бардырылгъанды. Эришиулеге эки округну да регионларындан 150-ден аслам спортчу къатышхандыла, эсеплеге кёре бизни республиканы къаууму биринчи жерге чыкъгъанды.

- Бу умутугъузну билим бериу министерство къабыл кёрсе да, сёз ючюн, элледе мектепледе сабийлени юйретирге хазыр тренерле уа табылырламы?

Къарачай-Черкесде каратени кёкусинкай тюрлюсюнден Домбайны кубогу бардырылгъанды, анга гитче жыл санда спортчула эм юниорла къатышхандыла. Эришиуле эки бёлюмде – ката эм кумитэ – ётдюрюлгендиле, алада кеслерин СКФО-ну беш регионундан жюзден аслам сабий сынагъандыла.

Спорт эм физкультура бла кюрешиу сабийлеге, абаданлагъа да хайырлыды, саулукъну кючлегенден сора да, ала инсанны ниетин, халисин ариу этедиле, низамгъа, итиниулюкге, хорлай эм къытдыра билирге юйретедиле. Аланы болушлукълары бла кёп хаталы затладан сакъланыргъа боллукъду.

Спортда, окъууда да итиниулюклери, жетишимлери бла нёгерлерине юлгю болгъан сабийле халкъны тамблагъы кюнюдюле. Аллай умутландыргъан жаш адамларыбыздан бири Къалабекланы Фархатды.

  «Кристалл» спорт арада баскетболдан тёрели эришиу бардырылгъанды. Анга Чегемден, Нальчикден, Владикавказдан талай команда къатышхандыла.

Ставрополь крайда каратени киокушинкай тюрлюсюнден СКФО-ну биринчилиги бла чемпионаты бардырылгъандыла. Анга округну битеу регионларындан 300-ден аслам спортчу къатышханды.

Тырныауузну «Геолог» спорт арасында, дунияны континентле аралы чемпиону Доттуланы Ахматны хурметине аталып, «Россейни жашлыгъы» обществону саугъаларына боксдан тёрели эришиу бардырылгъанды.

Республиканы Саулукъ сакълау министерствосуну башламчылыгъы эм Спорт министерствосуну себеплиги бла Нальчикде Сабий стадионда, Медицина ишчини кюнюне аталып, битеу медицина организацияланы келечилерини араларында эришиуле бардырылгъандыла. 

СССР-ни спортуну устасы, Новочеркасск къазакъ округну атаманы Геннадий Недвигинни хурметине аталып, Новочеркасскны Буз арасында дзюдодан «Урунуу резервле» обществону саугъаларына XXIII эришиу бардырылгъанды.