Спорт

 Не  заманда  да  адам  бийик  жетишимлеге  итинирге  керекди.  Кесини  билимин  ёсюп  келе  тургъан тёлюге  юйретген,  тюз  жолгъа  салгъан, тутхан ишлеринде кёллендирген  а  уллу  жумушду.

Терк райондагъы ат заводда атлада барыудан Ставрополь крайны чемпионаты бла биринчилиги бардырылгъандыла. Алагъа Москвадан, Санкт-Петербургдан, Ставрополь крайдан, Адыгеядан, Дагъыстандан бла бизни республикадан 100-ден аслам спортчу къатышханды.

«Спортну 2030 жылгъа дери айнытыуну стратегиясы» проектге  кёре Нальчикни 20-чы мектебинде къууанчлы халда боксдан зал ачылгъанды.

Федерал казначействону республикада управлениясында Ачыкъ эшиклени кюнюню чегинде ведомствону башчысыны орунбасары Александр Михайлик бла аудит иш жаны бла управлениясыны таматасы Людмила Муромцева Къабарты-Малкъар къырал университетни преподавательлери эм студентлери бла тюбешгендиле. 

Черкеслени кюнюне аталып, Нальчикде шахматладан эришиуле къуралгъандыла, алагъа 42 адам къатышханды. Эсеплеге кёре  биринчи жерни Александр Козак къытханды, экинчи - Давид Темирканов, ючюнчю уа Фатима Шахмурзова болгъандыла.

Россейни югуну халкъларыны маданият эм спорт «Кавказ оюнла» фестивалы быйыл Ставрополь крайда ётдюрюлгенди, анга СКФО-дан бла ЮФО-дан, ДНР-дан бла ЛНР-дан 16 команда къатышхандыла.

Нальчикде жаш спортчуланы араларында дзюдодан республиканы биринчилиги бардырылгъанды, анга республиканы битеу районларындан 21 жыллары толмагъан эм кючлю гёжефле къатышхандыла. 

Къазанны «Акъ Барс» спорт арасында грек-рим тутушуудан битеукъырал эришиу бардырылгъанды, ол РСФСР-ни сыйлы тренери Мягас Сахабутдиновну хурметине аталгъанды.

Карате энди айнып башлагъан кезиуледе, ол спортну эр киши тюрлюсюне саналып, къызла жараулада артыкъ бек кёрюнмегендиле. Алай ол заманлада окъуна Элбрус райондан Галия Абулькина жетишимлери бла къууандыргъанды. Ол районну Физкультура эм спорт комитетине кирген спорт школда тренер Сергей Криваковскийни къолунда жарау этгенди. Къыз сегиз кере Россейни чемпионкасы болгъанды, дунияны кубогунда ючюнчю жерни алгъанды, команда эришиуледе Европаны чемпионатында хорлагъанды, Евразияны абсолютный чемпионкасы деген атны къоруулагъанды.

Спортну талай тюрлюсюнден - ауур атлетикада, грек-рим тутушууда, каратеде, боксда, пауэрлифтингде - Олимпиада оюнланы призёрлары, дунияны, Европаны, къыралны, даражалы халкъла аралы эришиулени кёп чемпионлары Элбрус райондан чыкъгъандыла. Аны бла бирге районда физкультураны айнытыугъа да уллу эс бурулады, «Геолог» эм «Баксан» саулукъ кючлеу комплекслеге жангыз да спорт школлада жарау этгенле угъай, жаш адамла, абаданла да жюрюйдюле.