Право

Жолда жюрюуню жаш инспекторларыны къымылдаууну 50-жыллыгъын белгилеуню чеклеринде «Биз ЮИД-ни сайлайбыз» акция бардырылады. Биринчилени санында аны сабий чыгъармачылыкъны «Кюн шахар» академиясыны окъуучулары башлагъандыла. Жолда жюрюуню къоркъуусузлугъуну инспекторлары бла аланы жаш болушлукъчулары  алагъа организацияны тарыхыны юсюнден къысха билдиргендиле, аны муратларын ангылатхандыла.

Нальчикни школларыны тамата классларындан 5 мингден аслам окъуучу бла аланы ата-аналары наркотиклеге сатыу-алыугъа къажау «Сабийлерибизни саулукълары эмда къоркъуусузлукълары ючюн» деген акциягъа къатышхандыла.

Къабарты-Малкъарда МВД-ны  уголовный розыск управлениясында къуллукъ этгенле  оператив-излеу ишлени кезиуюнде Нальчикде Къулийланы Къайсын  атлы орамда Чегем райондан   44-жыллыкъ эр кишини  гитче къара хуржунчукъну ала тургъанлай тутхандыла.  Тинтиуле  сыйырылгъан чулгъамчыкъ  1,22 грамм чакълы бирни тартхан  наркотик болгъанын ачыкълагъандыла.  

Къабарты-Малкъарда Росгвардияны управлениясыны майору Аслан Тубаев, Нальчикде 23-чю номерли орта школну окъуучулары  бла ушакъ бардырып, ведомствону вузларына къалай бла кирирге боллугъуну юсюнден айтханды.

Къабарты-Малкъарда Чегем районда полициячыла законсуз наркотиклени сатыу-алыу бла кюрешген адамны тутхандыла.

Фатарда ремонт ишле бардыргъандан сора, бирде анда болгъан тюрлениулени, жеринден тепдирилмеген мюлкню бирикген реестрине (ЕГРН) тюшюрюрге керек болады. Росреестрни Федерал кадастр палатасыны специалистлери, бу иш къачан эмда къалай этилиучюсюню юсюнден тынгылы ангылатхандыла.

Былтыр августда Черек районну Зарагиж элинде халкъны газ бла жалчытыу службаны къуллукъчулары жашау журтладан биринде газ оборудованияны тинтген кезиуде бузукълукъла этилгенлерин ачыкълагъандыла:   печь эм сууну жылытыу колонка ванныйде салынып эдиле. Алай анда хауаны тартыу ыз къуралмагъанды. Бу кемчиликле бла байламлы тийишли акт жарашдырылып, газ оборудованияны хайырланыугъа чек салыннганды. Аны бла бирге, юйню иесине кемчиликлени кетергинчи, аланы жандырыргъа жарамагъаны, ол къоркъуулу болгъаны ангылатылгъанды.

Урунуу кодексге тийишлиликде, ыйыкъны ичинде ишчи заман 40 сагъатдан озмазгъа керекди: 5-кюнню ичинде 8 сагъат. Алай бир-бир къауумлагъа аны ёлчеми андан да къысхады. Биринчиден, 16 жыллары толмагъан акъылбалыкъ болмагъанланы 24 сагъатдан артыкъ ишлетирге жарамайды. 16-18-жыллыкъланы ишчи ыйыкълары уа 35 сагъатдан кёп болмагъаны жазылыпды законлада. Сакъатлыкъны 1-чи эм 2-чи къаууму тохташдырылгъанланы ишчи ыйыкълары да 35 сагъатдан озмайды.

«Россети Шимал Кавказ» компанияны бизни республикада бёлюмюнде - «Каббалкэнергода» ток ючюн борчланы былтыр жыйыу ишлерини эсеплерин чыгъаргъандыла. Аны ала сюд приставланы Къабарты-Малкъарда Управлениясыны келечилери бла бирге тамамлагъандыла.

Къабарты-Малкъарны наркотиклени законсуз сатыу-алыу жаны бла кюрешген управлениясыны къуллукъчулары  оператив-излеу ишлени кезиуюнде Нальчикде Идаров атлы орамда  тыш къыралдан эр кишини тутхандыла. 27-жыллыкъ жаш элтип бара тургъан сабий илляуланы ортасында оперативникле къара тюрсюнлю изолента бла чулгъаннган 300 хуржун табып сыйыргъандыла.