Жамауат

Хурметли жамауат!

Миллетибизде иги тёреле сакъланнганлай турадыла. Сёз ючюн, ораза айда тукъумда абадан адамланы жокълау, дин байрамлада аланы алгъышлау да. Байрым ингирде Мамайланы Мухтар бла бирге Барамтада жашагъан акъсакъалыбыз  Мамайланы Хажи-Дауутну кёре бардыкъ.

 Журналист жолла бизни кёп жерлеге жетдиредиле, кёп адамла бла тюбешдиредиле. Аланы бирлерин унутаса, башхалары уа эсден кетмей, жюрегингде бир огъурлу ыз къоядыла. Ма бу жол мени къадар аллай адам бла тюбешдиргенди. Ол Шауаланы Ахматны жашы Алимди. Аны бла ушакъ эте келгенибизде, ол къарт анасыны юсюнден жазарымы тилеп, аны сейирлик къадарыны юсюнден ким да эс бурурча хапар айтханды.

Къабарты-Малкъарда  «Жашау журт эм шахар болум»  миллет проектге кёре   танг кесек жер игилендириледи. Аны чеклеринде  тюзюнлей къол кётюрюу бла   тапландырыллыкъ жамауат тийрелени айырыргъа онг тапдырады.  Быллай конкурс  хар инсанны оюмун билирге онг береди.   Бу жол он кюнню ичинде  анга 6 минг  адамгъа жууукъ  къатышханды. Аланы жартысы  1,5 минг чакълы волонтёрну  болушлукъларын эм башхалары да  Къырал жумушланы тамамлау сервисни хайырланнгандыла.

Алгъаракълада адабан адамларыбыздан жер-суу атланы жазып алгъан эдим. Ала бла бу жолгъу материалда сизни да шагъырей этерге излейме. Башлагъан Бабугент тийресинден этерикбиз. Интернатдан ёргерек барып, жолну онг жанында, аллы да кёл болуп, суучукъ келеди. Аны кесинден да кукурт ийис урады. Анга Ийисли суу дейдиле. Андан ёргерек барсанг, секиртмеге жетесе. Озгъан ёмюрню къыркъынчы жылларында алайда къая юзюлюп, жолчуланы да басхан эди. Алайгъа Къая юзюлген деп да айтадыла. Секиртмени баш жанына уа Тёбен Тепчонукъ дейдиле.

Муслийманлагъа сыйлы Рамазан ай ахырына жете келеди. Ораза тутханлагъа Аллаухуталадан саугъаны, Къадар кечени, фитир садакъаны юслеринден  Аль-Азхар ислам университетни выпускниги «Ислам в Евразии» регионла аралы дин газетни баш редактору Аккайланы Хасим хажи  айтады:

Дунияда, тёгерегибиздеги бола тургъан тюрлениулени, болумланы юслеринден бизни газетибизге аны дайым окъугъанла, аны бла байламлыкъ жюрютгенле кеслерини оюмларын, сагъышларын билдиредиле. Бу жол а кесини жаш тёлюню юйретиу бла байламлы сагъышларын редакциябызгъа Гуманитар тинтиуле бардыргъан институтну илму къуллукъчусу Локияланы Жаухар жазып ийгенди.

Россейде предпринимательликни тарыхыны юсюнден битеуроссей онунчу олимпиаданы регионда кезиуюнде хорлагъанланы бу кюнледе саугъалагъандыла. Аны бла байламлы къууанчлы жыйылыу Къабарты-Малкъар къырал университетде ётгенди. Аны кесин да «Иш кёллю Россей» жамауат биригиуню республикада бёлюмюню башчысыны орунбасары Таумурзаланы Салидат бардыргъанды, деп билдиргендиле ол биригиуден.

Бу кюнледе Къарачайны бек белгили адамларындан бири – жарыкъландырыучу, художник Крымшаухалланы Пашаны жашы Ислам жаратылгъанлы 160 жыл болады.

Газетибизни 100-жыллыкъ юбилейине жоралап материалла бере турабыз. Бу жол Уллу Ата журт урушну заманында  журналистле къаллай билдириуле хазырлагъанларыны юсюнденди хапарыбыз.