Жамауат

Арт кезиуде къарачай-малкъар тилни сакълау эм айнытыу уллу магъананы тутады.  Аны бла байламлы газет бетледе, радио эм телепрограммалада соруула кётюрюледиле, бу жаны бла болумну игилендирир муратда. Ол темагъа жоралап  филология илмуланы доктору, профессор Улакъланы Махтини материалын басмаларгъа тийишли кёребиз.

Абадан тёлю жашауунда кёрген, эшитген затларын, тарыхда къаллыкъ шартланы кеси билгенча жаш тёлюге да эшитдирирге керек болады. Аны миллетибизни акъыллы адамларыбыздан бири Толгъурланы Бекмырза дурус билгенди, жаш тёлюню адеп-къылыкъгъа юйретиуге уллу кёллю болмагъанды бир заманда да.

Хапар

Бусагъатда адамланы кёбюсю, уллайгъанла уа артыгъыракъда, халкъны, миллетни да жашауунда бюгюн бола тургъан осал ишле бурун заманлада тюбемеген сунадыла. Керти болур, ол хыйсаплы ишле алгъада шёндюча кенг жайылып кёрюнмегендиле, тюбей а тургъандыла. Алайлыкъгъа шагъатлыкъ этген Огъары Малкъардан Темуккуланы Адилни жюз бла алты жыл жашагъан атасыны бу хапарыды. Баям, мынга ийнанмагъанла да чыгъарла, алай ол заманны хар адамыча, акъсакъал ётюрюкчю уа тюйюл эди. Бир огъурлу адамны аны эсинде-бусунда болмай келип къалгъан уллу сюймеклиги къаллай ачы, кюйсюз ишге таукеллендиргенин, тюртгенин ачыкълагъан хапарды бу.

Белгилисича, озгъан жылны налогларын декабрьни биринчисине дери тёлеп бошаргъа керекди. Сёз мында транспорт, мюлк эмда жер ючюн тёлеулени юсюнден барады. Налог инспекция жиберген билдириуледе аланы ёлчемлери кёргюзтюледиле. Биз а аланы къайсыларын азайтыргъа боллугъуну юсюнден айтайыкъ. Бир-бир льготаланы налог органла эсге алып, тёлеуню азайтадыла. Алай кесибизден да мадар этиллигин излеген льготала да бардыла.

МЧС-ни регион бёлюмюню ишчилери жер-жерли самоуправление органланы эм сууну келтириу ючюн жууаплы организацияланы келечилери бла от ёчюлтгенде суу алыннган быргъыланы халлары тинтилгендиле. 

Нарт сёзле

Нарт сёзле кёп ёмюрледен бери халкъны жол нёгери болуп келгендиле. Ала тёлюден-тёлюге айтыла, байыгъа, тюрлене да тургъандыла. Аланы  басмалай турууну дурус кёргенбиз. Аланы бир бирлерин газет окъуучуларыбыз жибергендиле, бир бирлери уа китапладан алыннгандыла.

 Айраннга ачы деме, гыржыннга къуру деме

Айранын берсенг, челегин да къызгъанма

Айран ичген къутулду, жугъусун жалагъан тутулду

 Айран тёгюлсе, жугъусу къалыр

Арпа, будай-ашды, алтын, кюмюш а-ташды

 Арпа жетсе багъалыды оракъ

СКФО-ну субъектлеринден биринчи болуп, Къабарты-Малкъар экскурсоводла-гидлени эм тилманчла-гидлени аттестацияларын бардырып башлагъанды. 

Гажонланы Идрисни жашы Къаншаубий КъМР-ни Ёкюллерини коллегиясында 1995 жылдан бери ишлейди. Бу кезиуде ол  къыйын, халкъны жанындан сейир уллу болгъан ишлени бардыргъанды.  Профессионал байрамыны аллында  биз аны бла  усталыкъны энчиликлерини юслеринден ушакъ бардыргъанбыз.

- Къаншаубий Идрисович, алгъа окъуучула бла танышдырыргъа сюеме сизни. Къайда окъугъансыз, къаллай ишлени бардырасыз?

Хар не да юйюрден башланады деп, бошдан айтыла болмаз. Мирзоланы Муратны жашы Алийни урушда этген жигитлигини, адамлыгъыны да  юсюнден газетде жазыла тургъанды. Мамыр жашауда уа ол «Коммунизмге жол» («Заман») газетни баш редакторуну орунбасары болуп ишлегенди, билими, адеплилиги, къайгъырыуу бла да уллу хурметге, намысха тийишли болгъанды. Аны бла ишлерге манга да тюшген эди насып. Биз, жаш къауум, жукъ кереклибиз болса, анга барыучубуз эсимдеди.

Озгъан жылда сабийлени окъутууда бла юйретиуде ишлеген аслам адамыбыз даражалы атлагъа тийишли болгъанлары кёллендиргенди. Аланы санында уа Ёзденланы Мадина да барды. Белгили устазыбыз Нальчикни 34-чю номерли прогимназиясыны садигинде бла башланнган классларында малкъар тилден бла адабиятдан дерсле береди. Кёп болмай а Мадина Муратовна КъМР-ни Жарыкъландырыу эмда илму министерствосуну миллет билим бериу бёлюмюню тамата ишчисине-экспертине да салыннганды.