Эришиулери бла хурметлегендиле

Ишчи борчларын толтургъан кезиуде ёлтюрюлген полициячыланы хурметине каратеден эришиуле бардырылгъандыла. Тырныауузда «Геолог» спорт  комплексге  Шимал-Кавказ эм Юг федерал округланы регионларындан 250-ден аслам жаш спортчу, жыйылып, сынауларын, хорламгъа итиниулюклерин кёргюзтгендиле. Жаш спортчула тутушууда хунерлерин, кючлерин да кёргюзтюп, спортну сейир байрамын къурагъандыла. Алчыла   майдалла эм эсде къаллыкъ саугъала бла белгиленнгендиле.

Быллай эришиуле ёсюп келген тёлюню туугъан журтубузгъа сюймекликге, шёндюгю мамыр жашауубуз ючюн жанларын берген полициячыланы атларын ёмюрлюк этиуге, аны бла бирге уа саулукълу жашауну ниетлерин жайыугъа буруладыла, деп чертгендиле эришиулени къурагъанла.