Чегем район - алчыланы санында

Кёп  болмай Нальчикде Къырал концерт залда  агропромышленный  комплексде (АПК) уруннганланы кюнюн белгилегендиле.

Ол кюн бёлюмню айнытыугъа уллу къыйын салгъанлары ючюн танг кесек адам саугъалагъа тийишли болгъанды. Аланы хайыры бла бюгюнлюкде Къабарты-Малкъар жемишледен бла наныкъладан бай тирлик жыйгъан беш алчы регионну санына киреди.

Аны бла бирге арт жыллада чеплеуден, нартюхден, картофдан эм башха тахта кёгетледен да тирликге танг кесек къошула баргъанын энчи белгилерчады. Анга кёре жарышдырыучу предприятияла да   ишлерин ёсдюредиле, тюрлю-тюрлю аслам продукция  чыгъарадыла.
 

Эл мюлкде уруннган  айырмалыла   онюч муниципал райондан эм шахар округладан  да сайланнгандыла. Конкурсда аслам эс битимчиликде, малчылыкъда эм жарашдырыучу производствода  жетишимликге  бурулгъанды.  

Алай бла чыгъарылгъан эсеплеге кёре, биринчи жерлеге  Чегем, Лескен эм Зольск районла  чыкъгъандыла. Алагъа саугъаланы орунуна тёрт чархлары да  тартхан юч машина берилгенди.

 Муниципал районланы  администрацияланы башчылары оноулашып,   транспортланы энчи аскер  операцияда (СВО)  борчларын толтургъан жерлешлерибизге  берирге келишгендиле.

Андан сора да, бу кюнледе   чаришде къытханла да,  ахчаларына  аллай юч машина  алып, аскерчилеге ашырыргъа сюйгенлерин билдиргендиле.

Бизни корр.
Поделиться: