Жерде чекле бла байламлы даулаш чыкъгъан эсе…

Къоншуланы араларында жерде чек къалай ётерге кереклисини юсюнден даулашла бир-бир болумлада жангыз сюдню оноуу бла тыйыладыла. Быллай кезиуледе экспертлени тинтиулери бла къагъытла да борчлу халда изленедиле, аланы хазырлар ючюн, энчи билим, тепдирилмеген мюлк бла ишлеуде сынам да керекдиле. Экспертле къаллай соруулагъа жууапла бергенлерини юсюнден Роскадастрны республикада филиалыны данныйлени тийишдириу жаны бла бёлюмюню башчысы Батчаланы Хаджи-Мурат айтханды.  

- Сюдню ишине экспертлени къатышдырыу тёреге киргенди. Бизде тепдирилмеген мюлк бла ишлеген, экспертизаны бардырыуда билимлерин дайым ёсдюрген къыркъдан аслам адам урунадыла. Ала шёндюгюлю геодезия оборудование хайырланадыла, эсеплени чыгъаргъанда, толу тинтиуле этедиле, - дегенди ол.

Быллай экспертиза жер участканы чеклерин тохташдырыргъа, реестрде халат нек чыкъгъанын билирге, буруула нек тепдирилгенлерин, къурулушла законодательствогъа келишгенлерин бла къалгъанларын тохташдырыргъа болушадыла. Законнга бузукълукъ болгъанын иш сюдге жетгинчи ачыкъланса, игиди. Роскадастрны эксперт ишини юсюнден 93-00-17 телефон бла сёлешип билирге боллукъду.