Назы терекде - машинагъа билет

    2019 жылгъа тюберге кёп къалмагъанды. Нальчик шахарны  администрациясы анга къыстау хазырланады.  Орамлада жол жанларында   чыпынлада, терекледе, уллу тюкенлени алларында, терезелеринде  да    тюрлю-тюрлю накъышлы, тюрсюнлю чыракъла жандырыладыла.  Майданлада бийик назы терекле  омакъ жасалып сюеледиле. Ала быйыл шахарны онбир жеринде орнатылгъандыла. Ала  бири башхасына ушамай алай жасаладыла.
       Абхазия  майданда сюелген бийик назыгъа алайтын ётген эс бурмай къалмайды. Бу жол ол уллу  «мандарин», «конфет» илляула, сабийлени  суратлары бла жасалгъанды. Аны дагъыда  бир энчилиги -  «мандаринледен» бирини ичинде автомашина къытхан билет барды.  Аны иеси ким болгъаны уа  31 декабрьни кечесинде  белгили боллукъду.

 

ХОЛАЛАНЫ Марзият.
Поделиться: