Жолла жангыртыладыла

Къабарты-Малкъарны Жол фондундан быйыл муниципалитетлеге 1,3 миллиард сом бёлюннгенди. Берилген ахчагъа 29 жол (35 километрден артыкъ) жангыртыла турады, ол санда Нальчик шахар округда сегиз орамда мадар этиледи, дегендиле республиканы Транспорт эмда жол мюлк министерствосунда.

Бюгюнлюкге ол белгиленнген 35 километрден онтогъуз километринде ишле бошалгъандыла. Басхан шахар округда Фрунзе эмда Лазо атлы орамла жангыртылгъандыла, Атажукино эмда Исламей элледе мадар этилгени, Псыхурейде уа тротуарла жарашдырылгъандыла. Ишле Батех, Залукодес, Аргудан эмда Хатуей элледе да бардырылгъандыла – алада орамла кече чыракъла бла жарыкъ болурча этилгендиле.

Огъары Малкъарда Къазакъ эмда Гадий улу атлы орамлагъа, Звёздный элни уа ара орамына ремонт этилгенди. Ишле Нарткъалада, Прохладныйде, Урванда, Плановское элде, Май эмда Прохладна районлада, Нальчик шахар округда да эбине жете турадыла. Эм биринчиден, школла, амбулаторияла, спорткомплексле, сабий садикле эм башха социал объектле орналгъан орамла жангыртыладыла.