Боксдан – жангы зал

26 сентября, 2023 - 08:10

«Спортну 2030 жылгъа дери айнытыуну стратегиясы» проектге  кёре Нальчикни 20-чы мектебинде къууанчлы халда боксдан зал ачылгъанды.

Анга  республиканы жарыкъландырыу эм илму, спорт министерстволары себеплик  этгендиле. Биринчиси школда жер къурагъанды, экинчиси уа жарауланы ётдюрюрча инвентарь алгъанды. Аны хайырындан школда жаш боксчуланы хазырларгъа онг чыкъгъанды.

Бу иш бла сабийлени, тренерлени да спорт министр Ислам Хасанов бла жарыкъландырыу эм илму министр Анзор Езаов алгъышлагъандыла, ала залдан жетишимли, республикабызны атын айтдырлыкъ айтхылыкъ боксчула чыгъарларын тежегендиле.

Кульчаланы Зульфия.
  • 14 просмотров
Поделиться: