Байрамгъа аталып – шахматладан бла боксдан эришиуле

 Черкеслени кюнюне аталып, Нальчикде шахматладан эришиуле къуралгъандыла, алагъа 42 адам къатышханды. Эсеплеге кёре  биринчи жерни Александр Козак къытханды, экинчи - Давид Темирканов, ючюнчю уа Фатима Шахмурзова болгъандыла. Ветеранланы араларында эм кючлю Чамал Гедгафов ойнагъанды, жаш спортчуланы араларында – Вячеслав Нартоков, гитче жыл сан къауумда – Текуланы Эмир. 

Байрамны чегинде боксдан да эришиу ётдюрюлгенди, анда бизни республикадан, Къарачай-Черкесден, Ингушетиядан, Шимал Осетиядан, Ставрополь эм Краснодар крайладан 18-22-жыллыкъ 50 спортчу сермешгенди. Къабарты-Малкъарны келечилери 9 майдал алгъандыла, кеслерини ауурлукъларында алчы жерлеге Макытланы Анзор, Рустам Хакуашев, Гижгиланы Юсюп, Астемир Тенов эм башхала чыкъгъандыла.