Жангы рентген комплексле хайырлыдылаКъабарты-Малкъарда багъыу биригиулени жангы рентген оборудование бла жалчытадыла. Республиканы Правительствосуну порталында айтылгъаннга кёре бу иш «Саулукъ сакълау» миллет проектни чеклеринде тамамланады. Проект бардырылып тебирегенли республиканы аллай организацияларына алты цифралы рентген комплекс келгенди. Беш аппаратны Нальчик шахарны 1-чи, 2-чи эм 3-чю номерли поликлиникаларында орнатхандыла, экисин а Черек эмда Зольск район больницалагъа жибергендиле. Жеринден тепдириу онглары болгъан «С-дуга» рентген комплекс операцияла этгенде болушады. Аны «Онкология ауруулагъа къажау» программаны чеклеринде Онкодиспансерде орнатхандыла. Шёндюгю цифралы оборудование алгъын тюрлюлеринден къайда игиди. Ол адамны санларын, сюеклерин шарт кёргюзтеди, саулукъгъа бек аз заран салады. Суратны уа электрон халда чыгъарыргъа, плёнкагъа неда къагъытха тюшюрюрге жарайды. Башха организациягъа аны къолдан-къолгъа берип айланмай, сеть бла жиберип къоядыла.
Поделиться:
Читать также:
25.04.2024 - 08:37 →
«Къан басымыгъыз мардада тутурча, бир затха асыры бек къууанмазгъа неда къаты ачыу этмезге кюрешигиз»
23.04.2024 - 10:54 →
Узакъ ёмюрню мурдору
23.04.2024 - 08:19 →
Адамны ариулугъу ич дуниясы бла къаты байламлыды
19.04.2024 - 12:36 →
«Хар инсан да саулукълу болса сюеме»
15.04.2024 - 13:31 →
Жангы излемлеге келиширикди
|