Къолайсызлагъа эс тапдырыу эмда аманлыкъланы жолун кесиуНальчикде полициячыла бла жамауатны келечилери жюз юйюрге сабийлерин школгъа хазырларгъа болушхандыла. Битеу школ кереклери ичлеринде болгъан портфельлени къыйын жашау болумгъа тюшген 130 сабий алгъанды. Бу огъурлу ишге КъМР-ни Башчысыны Администрациясыны Къоркъуусузлукъну эмда право низамны вопрослары жаны бла управлениясыны кенгешчиси Аслан Готыжев, КъМР-де МВД-ны Жамауат советине кирген Ирэна Шкежева бла Радима Макоева, УФСИН-ни эмда Россейни МВД-сыны Нальчик шахарда управлениясыны акъылбалыкъ болмагъанланы ишлери жаны бла бёлюмлерини келечилери да тири къатышхандыла. Кеслерини ёз ахчаларына алгъан саугъаланы бере, къонакъла сабийлени алгъышлагъандыла эмда насийхат сёзле да айтхандыла. Бу жандауурлукъ иш КъМР-де МВД-ны Наркортиклеге контроль этиу жаны бла управлениясыны, шахар администрациясыны эмда «Саулукълу жашау ючюн» фондну хайырындан жыл сайын бардырылады. Аны мураты къолайсыз юйюрлеге эс тапдырыуду эмда акъылбалыкъ болмагъанланы араларында аманлыкъ ишлени азайтыуду.
Поделиться:
Читать также:
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
| ||
