Уллайгъанлагъа – шёндюгю компьютер технологияланыБыйыл республикада "КъМР-де жангычылыкълагъа юйретген ара" деген социал проект ишлеп башлагъанды.Ол жашаулары келген адамланы шёндюгюлю компьютер технологиялагъа юйретиуге бурулупду. Аны башламчылары эм къураучулары уа - Россейде Компьютер спортну федерациясыны регион бёлюмю, КъМР-ни Граждан обществону институтлары бла байламлыкъла къурау эмда миллетлени ишлери жаны бла министерствосу, КъМР-ни Жамауат палатасыны жаш тёлю совети, КъМР-ни Жарыкъландырыу, илму эм жаш тёлюню ишлери жаны бла министерствосуну кёп функциялы жаш тёлю арасы, коммерциялы болмагъан жамауат организацияла эмда асламлы информация органлада ишлегенле. Проект бир ненча кезиуге юлешинипди: республиканы пенсиячыларын юйретиу; киберволонтёрлукъну школун къурау,"Киберкид" сабий-илму чыгъармачылыкъ школ ишлеп башларча этиу. Аны энчилиги уа - хар пенсиячыгъа аслам эс бурууду эмда келялмагъанланы уа юйлерине барып юйретиудю. Ара "МЕГА" киберспортну мурдорунда къуралгъанды, кюн сайын анда оналты адамны юйретирге боллукъду. Проектге башчылыкъны Герийланы Расул этеди.
Поделиться:
Читать также:
10.02.2021 - 08:10 →
Энтта да мадар барды
15.01.2021 - 14:11 →
Дачниклеге – жангы излемле бла жорукъла
16.12.2020 - 18:37 →
Биржа активлеге сурам ёседи
26.08.2020 - 08:02 →
Графикден алгъа - энтта да эки ясли
19.08.2020 - 09:05 →
Кёп фатарлы юйлени арбазлары айбатландырыладыла
|