Аманлыкъчылыкъны жангы тюрлюсю жайылгъанды

РФ-ни Пенсия фондуну республикада баш управлениясындан арт кезиуде аманлыкъчыла адамланы алдатыуну жангы амалын хайырланып тебирегенлерин эсгертедиле. Энди ала, абаданланы телефонларына фондну атындан сёлешип, пенсияланы башха тюрлю тергеп башлагъанларын айтадыла эм, ахчаны ётдюрюрча, ала счётларыны неда банк пластик карталарыны номерлерин билдирирлерин излейдиле. Пенсия фонд гражданлагъа пенсияны тергеу амалланы юсюнден билдириулени телефон бла этмегенин унутмагъыз, сизге алай айтып сёлешгенле болсала, мычымай фондха билдиригиз. Быллай ишле бла энчи органла кюрешедиле.

Пенсияла, башха тёлеуле - битеу информацияны жангыз да фондну жер-жерли бёлюмлеринде алыргъа боллукъду, аны официальный сайтында сервисле бла хайырланыргъа да жарарыкъды. Андан тышында, аны «исси телефону» да ишлейди, анга Россейни битеу регионларындан хакъсыз сёлешинеди, аны номерлери 8(8662) 42-00-30, 8(8662) 42-00-29, 8-800-200-09-77.

Кульчаланы Зульфия.
Поделиться: