Кёп сабийли юйюрге – полициячыладан саугъала

«Каникулланы - Жамауат совет бла бирге» деген акция андан ары бардырылады. Россейни МВД-сыны Черек районда бёлюмюнде къуллукъ этгенле аны жамауат советини секретары Жаболаны Жабраил бла бирге Къашхатауда кёп сабийли юйюрню жокълагъандыла, деп билдиргендиле КъМР-де МВД-ны пресс-службасындан.

Бу жандауурлукъну башламчыларыны эмда анга къатышханланы араларында энчи состав бла ишни бардыргъанла, полицияны участка уполномоченныйлерини эмда акъылбалыкъ болмагъанланы ишлери жаны бла бёлюмюню келечилери болгъандыла. Ала юйюр къалай жашау этгенин, не затдан  къытлыкъ сынагъанын кёргендиле эмда билгендиле, анга аш-азыкъ, юй жумушлада бек керекли затла бла болушлукъ этгендиле, сабийлеге татлы ашарыкъла да элтгендиле.  

Поделиться: