Жууапха тартыллыкъдыКёп болмай Россейни МВД-сыны Зольск районда наркотиклени жюрютюуге контроль этиу къауумуну келечилери оператив-излеу ишлени кезиуюнде гурушхалыкъ туудургъан Светловодское элде 19-жыллыкъ жашны тутхандыла. Оперативникле аны юсюн-башын тинтгенлеринде, хуржунунда аман ийисли, ичинде хансха ушагъан къурамы бла чулгъамчыкъ тапхандыла. Аманлыкъчы кендирни жаш чапыракъларын бахчаланы биринде кесине жыйып хазырлагъанын букъдурмагъанды. Тинтиуден сора чулгъамда зат 318,4 грамм чакълы марихуана болгъаны билиннгенди. Алай бла эр кишиге РФ-и Уголовный кодексини 228-чи статьясыны 2-чи кесегине (Законсуз иги кесек наркотикни букъдуруу эм хайырланыу) тийишлиликде уголовный иш ачылгъанды. Жууукъ заманда аманлыкъчы жууапха тартыллыкъды, ол санда юч жылгъа олтурургъа боллукъду, деп билдиредиле КъМР-де МВД-ны пресс-службасындан.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
| ||
