Патриот ниетлени айныта

РусГидро компанияны Къабарты-Малкъарда бёлюмюнде Россейни Байрагъыны кюнюн белгилегендиле. Гидроэнергетикле анга Нальчикни маданият айнытыу арасыны чыгъармачылыкъ студиясыны жаш келечилерин да чакъыргъандыла къонакъгъа. Сабийле «Мени деменгили Ата журтуму белгилери» деген эришиуге къатышхандыла. Ала ишлеген суратладан а сагъынылгъан арада кёрмюч къурагъандыла.

Байрам концертден сора гитче къонакълагъа Россейни байрагъыны тарыхыны юсюнден хапарлагъандыла. Ызы бла саугъалау кезиу да жетгенди: энергетикле хар сабийге китап бергендиле, аланы компания «Сабий китапны юйю» деген фонд бла бирге чыгъаргъанды.

Андан сора викторина башланнганды. Туугъан жерибизни, ГЭС-ле къалай ишлегенлерини юсюнден иги билгенлени компанияны атындан саугъала бла къууандыргъандыла.

Улбашланы Мурат.
Поделиться: