Ахчадан къурулай къалгъанды

Кёп болмай Россейни МВД-сыны КъМР-де кеси къоркъуусузлукъ управлениясыны ишчилери ФСБ-ны республикада управлениясыны келечилери бла бирге оператив-излеу ишлени  кезиуюнде къолунда ултхасы бла Нальчикде следствие управленияны следователин тутхандыла.

Ачыкъланнганыча, анга юч жюз минг сом чакълы ахчаны къурулуш биригиулени бирини таматасы бузукълукъ ишин сюдге жетдирилмей жабарча бергенди.

Ич ишлени келечилери жыйылгъан материаллагъа кёре, РФ-ни Уголовный‑процессуал кодексини 91-чи статьясына тийишлиликде уголовный иш ачхандыла. Бюгюнлюкде къуллугъу бла байламлы  тинтиу ишле да барадыла. Аны чеклеринде терслиги   билинсе, ол ич ишлени органларындан къысталлыкъды эм законнга тийишлиликде жууапха тартыллыкъды. Аны бла къалмай, таматасы да дисциплиналы жууап берирге керек боллукъду.

Поделиться: