Медикле сюд приставланы атындан белгиленнгендилеРеспубликаны медиклери Сюд приставланы федерал службасыны Сыйлы грамотасы эм Ыразылыкълары бла саугъаланнгандыла. Анга аталгъан къууанчлы жыйылыу 1-чи номерли клиника больницада болгъанды, деп билдиргендиле бизге УФССП-ны пресс-службасындан. Ведомствону таматасыны атындан беш медик белгиленнгендиле: Нальчикни 1-чи номерли поликлиникасыны башчысы Ауалият Каскулова, Медицина-консультация араны консультация бёлюмюню башчысы Залийханланы Эльвира, Элбрус районну ара район больницасыны тамата врачы Тилланы Хабибуллах, Чегем районну ара больницасыны участка врачы-терапевти Сатаней Тамазова, Бахсан районну бла Бахсанны ара больницасыны поликлиника бёлюмюню таматасы Анджела Шаова. ФССП-ны КъМР-де Управлениясыны башчысыны орунбасары Олег Эфендиев медиклеге тамамлагъан ишлери, усталыкъларына кертиликлери ючюн ыразылыгъын билдиргенди. Ол саулукъ сакълауда адамла ючюн къайгъыргъан, алагъа болушургъа сюйген адамла ишлегенлерин айтханды эмда жамауатны атындан алгъышлагъанды.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
| ||
