Хайырлы байламлыкъла

Нальчикде Ведомстводан тышында къалауурлукъ этиуню управлениясында «Билим» россейли биригиуню специалистлери Росгвардияны Къабарты-Малкъар Республикада Управлениясында къуллукъ этгенлеге бла аскерчилеге лекцияла окъугъандыла. Ала росгвардиячылагъа адам кеси кесине къалай багъа бичерге, къылыгъын не халда сюзерге кереклисин айтхандыла, бюгюнлюкде патриот ниетде юйретиуню магъанасына бла муратларына энчи эс бургъандыла, деп билдиргендиле бизге ведомстводан.

Лекцияланы Къабарты-Малкъар къырал университетни къуллукъда кётюрюле барыуну арасыны директору Кристина Лопатина бла Къабарты-Малкъар Республиканы Парламентинде Жаш тёлю палатаны таматасыны орунбасары Алина Ашхотова окъугъандыла. Росгвардияда къуллукъ этгенле бла аскерчиле аланы докладларына энчи  QR-кодха кёре багъа бичгендиле.

 «Кеслерини сынауларындан юлюш этерге хазыр болгъан, бизни кёллендире, таукеллендире да билген усталаны ачыкъ дерслери, лекциялары, мастер-класслары да бизге  бек магъаналыдыла. Биз байламлыкълагъа не заманда да ачыкъбыз»,- деп чертгенди Росгвардияны Къабарты-Малкъар Республикада  Ведомстводан тышында къалауурлукъ этиуню управлениясыны кадрла бёлюмюню таматасы подполковник Эльдар Емишев.