Дачалары болгъанлагъа магъаналы затланы юсюнден

Россейни Банкыны Къабарты-Малкъарда бёлюмю дачалары болгъан инсанлагъа магъаналы информация береди.

Тёлеуле

Жай айлада дачагъа кетсегиз, юйде бир-бир коммунал жумушланы хайырланмай турасыз. Алай эсе уа, ала ючюн тёлемезге жарайды. Сёз ючюн, кир-кипчикни ташыу: дача биригиуден тийишли справка алсагъыз, юйде турмагъан заман ючюн аны багъасын тёлерик тюйюлсюз.

Къоранчла

Автомашинаны жаланда жайда хайырланыучу эсегиз, ОСАГО полисни тюз жарашдыра билигиз. Аны юч айгъа алсагъыз, багъасы иги да учуз боллукъду.

Жамауат транспортну хайырланыргъа сюе эсегиз а, автобуслагъа неда электричкалагъа абонент билет неда пенсиячылагъа льготала бар эселе билигиз.

Страхование

Солугъан кезиуде тапсыз затланы юсюнден сагъыш этерге киши да сюймейди. Аны себепли бир-бир затланы неда мюлкню страхование этсе иги боллукъду:

- дача юйню неда башха мекямны (алагъа эмда ала тургъан жерге иелик къагъыт болургъа керекди);

- фатарны (сиз анда турмагъан кезиуде от тюшгенден неда суу басхандан);

- къоншуларыгъызны аллында жууаплылыкъны (тапсыз иш сизни хатагъыздан болса);

- саулукъну (жараладан, губу къапхандан…);

Сатып алыу

Дачада изленирик хар нени да тюкеннге кезиу-кезиу бара турмай, бир кере чыгъып алса, хайырлы боллукъду. Аш бла да алайды: бир бек артыгъы бла алыргъа да керек болмаз, алай аз къыстырыкъ этсе уа, хатасы боллукъ тюйюлдю.

Бир-бир интернет-тюкенледе товарланы учуз багъасы бла сатхан кезиуле болуучудула – анга да эс буругъуз. Алгъан затыгъызны уа къабакъ аллына дери келтирирге боллукъдула.

Файда келтирлик амалла

Дачада жыйылгъан керексиз затланы, сёз ючюн, къагъытны, пластикни, бютюнда темир къалгъан-къулгъанланы сатып аз файда тюшюрюрге боллукъду. Шахардан тышында жашагъан кезиуде къоратылмай къаллыкъ ахчаны банкда счётха салсагъыз, ол да хайыр келтирликди.