Танг кесек къагъанакъ туугъанды

Жыл башланнганлы Къабарты-Малкъарны медицина учрежденияларында  4704 къагъанакъ туугъанды, ол санда 47 чакълы эгиз. 

Саулай алып айтханда, 40 къагъанакъ ЭКО бла туугъандыла. Бюгюнлюкде   «Демография» миллет проектге кёре,  борчлу халда медицина страхования бла   аллай жумуш республикада хакъсыз этиледи.  
Эсге сала айтсакъ, арт  жыллада республикада болумну иги жанына тюрлендирирча аслам иш этиле баргъаныны хайырындан, былтыр къагъанакъланы арасында ёлгенлени санын 28 процентге азайтыргъа онг табылгъанды.