Эл мюлк продукциягъа танг къошулгъанды

Шимал Кавказстатны управлениясындан  бидиргенлерича, быйыл Къабарты-Малкъарда эл мюлклени барында да 11,4 миллиард сом багъасына продукция сатылгъанды. Былтыр бу заман бла тенглешдиргенде, ол 104,6 процентге кёпдю. Ол санда эл мюлк организацияла 3,3 миллиард сом багъасына продукция чыгъаргъандыла, неда 120,7 процентге кёп. 

Былтыр  малла бла юй къанатлыланы этинден 41,7 минг тонна  сатылгъанды неда  10,4 процентге аслам.  Сютню юсюнден айтханда да, сагъынылгъан кезиуде 183,1 минг тонна сауулгъанды. Ол  да башха  кезиуледен  101,1 процентге мажалды. Жумуртхаладан да 78,8 миллиону алыннганды, мында да 2,5 процент ёсюм эсленеди.