Борчлу халда маркировка

Быйыл «Ветеринарияны юсюнден» федерал  законнга тийишлиликде   биринчи сентябрьден башлап  маллагъа бла  юй къанатлылагъа борчлу халда маркировка этерча закон къабыл этилликди.  Анга кёре ол    толу кюч бла  келир жыл биринчи мартдан  ишлеп башларыкъды. 

Проектге чеклеринде предприятияла, энчи иеликле, арбазла эм маданият-заман кечиндириу учреждениялада тууарлагъа, атлагъа, тюелеге хар баш сайын  маркировка этдирирге керек боллукъду.  Къойлагъа, эчкилеге, тауукълагъа, къазлагъа, бал чибинлеге уа  маркировка къауум халда этиледи.  

Аны хакъсыз этдирир онг барды. Болсада  маркировканы хар ким кеси ыразы кёргенни сайларгъа эркинди. Сёз ючюн,  пластмасс бирка, терисини тюбюне сингдирилген  микрочип, болюс, тогъай эм боюнлукъ тюрлюсюн. 

Экспертле айтханларыча,  идентификация бардырыу  малланы  тюз статистикасын тинтирге эм продовольствие жаны бла къоркъуусузлукъну да жалчытыргъа  онг берликди.