Тышына чыгъардан алгъа жорукъланы унутмагъыз

Россельхознадзорну Къабарты-Малкъарда  бёлюмюнден билдиргенлерича,  хайыуанларын (итлерин, киштиклерин)   биргелерине  тыш къыралгъа алырдан алгъа, баргъан къыралларыны ветеринар-санитар излемлерини юсюнден толу билирге керекди.  Сёз бир-бир къыраллада прививкаладан тышында,  бир тюрлю хайыуан бла эркин этмезге боллукъдула. 

Хар къыралда да тюрлю-тюрлю жорукъла тюбейдлие, болсада асламысында ала   бирге келишедиле.  Анга кёре  эм биринчи  бир тийишли   справканы алыргъа  эм  мухур салдырыргъа унутмазгъа керекди.

Хайыуан бла тыш къыралгъа атланырдан алгъа  биринчи атламла:

Итге неда киштикге халкъла аралы стандартха келишген чип салдырыргъа керекди. Ол къоркъуусуз эм терк этилген процедурады  эм  вакцинацияны аллында  тамамланады.    Аны чеклеринде энчи шприц бла пиринч тенгли бир чип терисини тюбюне кийириледи.  Ол жаныаурны  жыл санына  къаралмай этиледи. Аны багъасы бир минг сомгъа жетеди.  

Паразитледен, къутургъан эм башха жукъгъан  аурууладан прививкала этдирирге унутмагъыз. Хар хауаннга - итге, киштикге, къояннга эмда башхалагъа  энчи прививка салынады.  Къутургъан ауруудан дарман къыралдан тышына чыкъмагъанлагъа да этдирирге тюшерикди. Аланы барысы да  чип салдыргъынчы этилирге керек жумушладыла.  Нек дегенде быллай шартла   ветпаспортха жазыладыла. Ол себепден процедураланы этмеген аланы экинчи кере ётерге тюшерикди. 

Къутургъан ауруудан дарман салдыргъан сора да, бир-бир къыраллада  антителаланы тинтирча  тестни ётерлерин излейдиле.  Ол  онбеш кюнню барады эмда 5 200−5 500 сом турады.  Тестни эсеплери   ветпаспортха жазылмай энчи  документча бериледи. Аны чекни ётгенде кёргюзтюрге борчлуду.