Устала бла шахмат ойнагъандыла

26 июля, 2019 - 09:05

КъМР-де УФСИН-ни тюзетиучю колонияларында тургъанла  «Шахматла  ойнау» деген битеуроссей акциягъа къатышхандыла. Ол кеси да Шахматланы битеудуния кюнюне жораланнганды, деп билдиргендиле ведомствону пресс-службасындан.

Эришиулеге  1-чи, 3-чю, 4-чю, 5-чи колонияладан 62 адам къатышханды. Ала бла ойнаргъа спортну усталары Александр Козак, Лиуан Шигалугов, Илияс Баширов бла Анатолий Мафедзов чакъырылгъандыла. Тюзетиучю учрежденияланы башчылары  алагъа заманларын къызгъанмай  келгенлери ючюн  ыразылыкъларын билдиргендиле. Тутмакъла уа  кеслери этген затланы саугъагъа бергендиле 

Оюнну кезиуюнде колониячыла сынау жыйышдыргъандыла, шахматланы кёп жашырынлыкъларына тюшюннгендиле.
 

Люба Адилова.
  • 23 просмотра
Поделиться: