Гитче бизнесге аслам кредит берилгенди

Сбербанкны Къабарты-Малкъарда бёлюмю гитче эмда эм гитче бизнес бла кюрешгенлеге кредитле бла битеу да 1,967 миллиард сом бергенди. Озгъан жылны бу кезиую бла тенглешдиргенде, ёсюм 26 процент болгъанды, деп билдиргендиле финанс учрежденияны пресс-службасындан.

 Быйылны биринчи жарымында гитче бизнесге себепликге 550 миллион сом жиберилгенди. Ол санда 193 миллион сом инвестициялы проектлени тамамлаугъа бёлюннгенди. Ол да былтырдан эсе 14 процентге асламыракъ болады.
Бёлюмню башчысы Хамидби Урусбиев айтханнга кёре, быйыл банк 1,2 мингден артыкъ предпринимательни финанс жумушларына къарагъанды. Мында цифралы сервисле айный, хайырланыучулагъа тийишли онгла къурала баргъаны себепли бу кёрюмдю да ёсгенди.