Жалгъан сайтлагъа алданмагъызИнтернетде Россейни Пенсия фондуну официал болмагъан сайтлары жайылгъандыла. Алада социал тёлеулени юслеринден ётюрюк информация бериледи, ала тамамланнган жумушла да сагъайтадыла. Россейни пенсия фонду билдиргенича, аланы таныгъан къыйын тюйюлдю, асламысында ала бир юлгю бла фондну официал сайтыны белгисин, видеоматериалланы, бёлюмлени, менюсуну копияларындан къураладыла. Алада реклама бек кёп болады, аны ючюн керекли информация терк табылмайды. Ол да бошдан этилмейди: инсан излегенин табалмагъан кезиуде сайт анга онлайн-чатда «пенсия юристни» болушлугъун хайырланыргъа чакъырады. Ол а чыкъгъан проблеманы тамамлар ючюн адамдан телефон номерин къоярын тилейди. Бир кесек замандан а ол инсаннга «болушлукъ этиуню право арасына» сёлеширин, анда анга бериллик тёлеуле келирча этериклерин айтадыла. Алай ол «болушлукъ» хакъсыз болмагъанын, бир-тюрлю тёлеуле да келмезликлерин а инсан артда биледи. Пенсия фонд, аллай сайтла аны бла байламлы болмагъанларын эсгерте, адамланы быллай жалгъан сайтлагъа кирмезге чакъырады. Битеу тёлеулени, пособияланы юслеринден ПФ-ну официал сайтында - pfrf.ru неда 8-800-600-4444 телефон номерге (Россейни ичинде ол хакъсызды) сёлешип билирге боллукъду.
Поделиться:
Читать также:
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
| ||
