Кючлю гёжефлени хазырлайдыла

 Къабарты-Малкъарны Спорт министерствосунда олимпиада резервли спорт школ 2019 жылда къуралгъанды. Анга республиканы бла къыралны жыйымдыкъ командаларына спортчуланы, инструкторланы, спорт судьяланы хазырларгъа борч салыннганды.

Школну директору Мухмед Ниров билдиргенича, анда женгил эм ауур атлетикадан, гимнастиканы эстетика эм художестволу тюрлюлеринден, стол эм уллу теннисден, жюзюуден секцияла ишлейдиле. Андан тышында, аны мурдорунда «Урунуугъа эм къорууланыугъа хазырма» битеукъырал комплексни нормативлени бериу ара къуралгъанды. Бюгюнлюкде учрежденияда 2500 адам жарау этеди, аланы 54 тренер юйретеди. Гёжефлени бла атлетлени бийик даражалы эришиулеге хазырларча битеу онгла бардыла. Ала да къырал, Европа, битеудуния эришиуледе майдалланы дайым къытадыла, белгили секириучюле Мария Ласицкене бла Михаил Акименко да усталыкъларын мында ёсдюргендиле.

Кульчаланы Зульфия.