Россейни биринчилигине жетеулен къатышырыкъдыла

Нальчикде встестилевой каратеден республиканы биринчилиги къуралгъанды, анда аскер искусстволадан «Барс-Тырныауз» академиясыны келечилери жетишимли болгъандыла. Ала жети майдал къытхандыла, алай бла Россейни биринчилигине андан жети спортчу къатышырыкъды. 

Кеслерини ауурлукъ къауумларында Жолабланы Сафия бла Абдулах Нуралиев хорлагъандыла. «Кюмюшлени» Бабаланы Хызыр, Ибрагим Готыжев, Хаджи-Мурат Хасанбиев, Тенгиз Мугуев алгъандыла, Тамерлан Готыжев ючюнчю болгъанды. Тренерле энчи Жолабланы Сафияны белгилегендиле, 13 жылында къызчыкъ 14-15-жыллыкъланы араларында сермешгенди, юч сермеш бардырып, эм кючлю болгъанды.

Жаш спортчуланы тренерле Этезланы Владимир, Виолетта Шпанагель, Ангелина Лазаренко, Ёзденланы Тамерлан, Гиас Абушов бла Алим Эминов юйретедиле.

Кульчаланы Зульфия.
Поделиться: