Гитче эмда орта бизнес бла кюрешгенлеге себеплик

РФ-ни экономиканы айнытыу министрини орунбасары Татьяна Илюшникова онлайн-халда бардыргъан кенгешде «Гитче эмда орта предпринимательство эмда предпринимательство башламчылыкълагъа себеплик этиу» миллет проектни чеклеринде этиллик ишлени эмда аланы кезиуюнде чыкъгъан сорууланы тамамлауну юсюнден сёлешгендиле. Анга КъМР-ни экономиканы айнытыу министри Рахайланы Борис, аны орунбасары Рустам Башоров эм «Мени бизнесим» деген регион араны таматасы Мадина Дудуева да къатышхандыла, деп билдиргендиле министерствону пресс-службасындан.

Кенгешде кёп темаланы сюзгендиле, ол санда: субсидияланы заманында хайырланыу, федерал проектлени эсеплерин тамамлау, сагъынылгъан араны Ozon эм Нead Hunter компанияла бла бирге проектлерин тындырыу. Дагъыда социал предпринимательство, НКО эмда волонтёрство жаны бла проектлени «Жылны эм иги социал проекти» деген Битеуроссей конкурсну бардырыуну юсюнден сёлешгендиле.

Бизни республикада «Гитче эмда орта предпринимательство эмда предпринимательство башламчылыкълагъа себеплик этиу» миллет проектни тамамлау бла «Мени бизнесим» ара кюрешеди. Бу ишде анга Экономиканы айнытыу министерство да болушады. «Жылны эм иги социал проекти» конкурс, предпринимательлеге форумла, семинарла, тренингле дайым бардырыладыла. Бизнес бла кюрешгенлеге кёп жаны бла хакъсыз болушлукъ бериледи.

Улбашланы Мурат хазырлагъанды.
Поделиться: