Жаш тёлюню юйретиуге алланып

Нальчикни школларыны тамата классларындан 5 мингден аслам окъуучу бла аланы ата-аналары наркотиклеге сатыу-алыугъа къажау «Сабийлерибизни саулукълары эмда къоркъуусузлукълары ючюн» деген акциягъа къатышхандыла.

Анга дагъыда республиканы маданиятыны сыйлы къуллукъчулары, атлары айтылгъан спортчула бла тренерле да къошула барадыла.  Бу жол профилактика акция шахарны 9-чу, 12-чи, 17-чи эм 29-чу номерли орта школларында ётгенди. Тюбешиуню кезиуюнде аны къурагъанла жаш тёлю бла законсуз наркотиклени сатыу-алыугъа къажау мадарланы эм акъылбалыкъ болмагъанла аманлыкъчы ишле бла кюрешмезча этиуню амалларыны юсюнден ушакъ бардыргъандыла.

- Сиз кеси жолугъузну табып, тюз-терсни ангыламазча сабийле  тюйюлсюз. Жашауугъузгъа не керек эсе да, не зат жарырыкъ эсе да анга аслам эсигизни бёлюгюз. Сёз ючюн, спортха, маданиятха, илмугъа, жамауатха керекли, жарагъан адамла болугъуз, - дегенди МВД-ны КъМР-да законсуз наркотиклени сатыу-алыугъа къажау управлениясыны тамата оперуполномоченныйи  Ирина Давыдова.

- Саулукълу жашау адамны эркин эм жалынчакъсыз болургъа, сюйген эм магъаналы иши бла кюреширге кёллендиреди, - деп чертгенди Нальчикни Билим бериу департаментини баш специалисти Теммоланы Фаризат.

 МВД-ны Нальчикде управлениясыны акъылбалыкъ болмагъанланы ишлерини жаны бла бёлюмюню къуллукъчусу  полицияны капитаны Зарина Дышекова жашла бла къызлагъа алагъа законнга бузукълукъ этерге жарамазлыгъын эсгертгенди.

Муслийманланы дин управлениясыны башчысыны орунбасарлары Мисирланы Хызыр бла Аслан Гедгафов, Муслийманланы дин управлениясыны  преседателини болушлукъчусу  Анджела Амшукова эм КъМР-ни Православный килисасыны келечиси Ирина Артунова – жашау-адамгъа берилген байлыкъды, бу себепден  ол жарыкъ эм ариу болурча этерге керекди,  деп чертгендиле.

Ызы бла «Боевое братство» жамауат организацияны КъМР-да бёлюмюню толтуруучу комитетини председатели Владимир Абаноков да жаш тёлюге сёз айтханды. 

КъМР-ни Маданият министерствосуну келечиси, Къабарты-малкъарны  сыйлы артисткасы Бечелланы Людмила, телевиденияны режиссёру Дамира Ашибокова, Шогенцуков атлы Къабарты къырал драмтеатрны артисти Фатима Макоева школчулагъа жашауда тюз жолгъа туруп, Ата журтларыны атын иги бла айтдыргъан адамла болурларын тежегендиле.

Жыйылыугъа, андан сора да, КъМР-ни  Спорт министерствосундан КъМР-ни Олимпиядалы резервни спорт школуну тхэквандодан тренери Станислав Кан, юч кере дунияны чемпиону, Россейни эм Европаны чемпиону, греплингден спортну халкъла аралы

Школчула барысы да наркотикле бла байламлы ушакъгъа тири къатышхандыла. Ызы бла келген къонакъла бла «Наркотиклеге жол бермезге!»  суратха тюшгендиле, деп билдиредиле МВД-ны КъМР-да пресс службасындан. 

Холамханланы Алима.
Поделиться: