Наркотиклеге къажау болгъанларын билдиргендиле

КъМР-ни наркополициячылары Спорт министерство бла бирге акъылбалыкъ болмагъанлагъа эришиуле къурагъандыла. Бу иш «Спорт - наркотиклеге къажау» деген чакъырыу бла бардырылгъанды эмда ёсюп келген тёлюню ууну хайырланыудан тыяргъа, быллай аманлыкъланы азайтыргъа бурулупду.

Бу жол а наркополициячыла Нальчикде спорт хазырлыкъны арасында жараула этген жашлагъа бла къызлагъа келгендиле къонакъгъа. Жаш адамла бла бирге уа стол теннисден къарыуларын белгили спортчула да сынагъандыла.

Айырмалыла кубокла, эсде къаллыкъ саугъала бла белгиленнгендиле.