Федерал излеуде болгъан тиширыу тутулгъанды

10 июля, 2019 - 08:02

Хыйлачылыкъ ючюн (РФ-ни УК-сыны 159-чу статьясы) федерал излеуде болгъан тиширыу ары дери да сюдню оноуу бла жууапха тартылгъанды.

Июньда право низамны сакълаучулагъа беш адам тарыкъгъандыла. Ала предприниматель тиширыугъа алтындан этилген затланы сатаргъа бергенлерин айтхандыла, алай  байлыкъ къолуна тюшгенлей, ол  тас болуп къалгъанды.

Оператив-излеу жумушла бардырып, полициячыла ишеклини тургъан жерин ачыкълагъандыла, бюгюнлюкде ол изоляторда тутулады.

Тикаланы Фатима.
  • 4 просмотра
Поделиться: